Valiant Navion™
Торакален стент-графт систем - Упатство за употреба
Содржина
1.
Опис на помагалото .................................................................................................................................................. 433
2.
Индикации за употреба ............................................................................................................................................. 435
3.
Контраиндикации ....................................................................................................................................................... 436
4.
5.
Несакани појави ......................................................................................................................................................... 438
6.
7.
8.
Начин на испорака ..................................................................................................................................................... 444
9.
Упатство за употреба ................................................................................................................................................ 445
10. Техники за решавање проблеми ............................................................................................................................. 454
1. Опис на помагалото
Важно!
■
Не обидувајте се да го користите торакалниот стент-графт систем Valiant Navion пред целосно да ги
прочитате и да ги разберете информациите содржани во ова упатство за употреба.
■
Внимателно проверете го пакувањето на производот за да видите дали има оштетувања или дефекти пред
употреба. Не употребувајте го производот доколку увидите дека настанало оштетување или доколку
стерилноста е нарушена.
■
Овие помагала се испорачуваат СТЕРИЛНИ и служат само за еднократна употреба. По употреба, фрлете го
системот за воведување во согласност со болничките, административните и/или владините политики. Да не се
стерилизира повторно.
Tоракалниот стент-графт систем Valiant Navion™ е наменет за ендоваскуларнo санирање на лезии во десцендентната
торакална аорта (DTA). Кога е поставен во рамките на целната лезија, стент-графтот овозможува алтернативен канал
за проток на крвта во васкулаторниот систем на пациентот, исклучувајќи ги лезијата од крвотокот и притисокот.
Стент-графт системот се состои од 2 главни компоненти: вградлив торакален стент-графт Valiant Navion и систем за
воведување за еднократна употреба. Стент-графтот е претходно поставен во системот за воведување. Поставениот
систем за воведување се внесува ендолуминално преку феморалната или илијачната артерија и се следи преку
васкуларниот систем на пациентот со цел стент-графтот да се однесе до целното место. По поставувањето, стент-
графтот сам се шири за да се приспособи на формата и големината на зоните на херметичко затворање над и под
лезијата.
Торакалниот стент-графт систем Valiant Navion не содржи природен гумен латекс, меѓутоа, во текот на процесот на
производство може да дошол во случаен контакт со производи коишто содржат латекс.
1.1. Стент-графт
Може да се користи само еден, примарен торакален стент-графт систем Valiant Navion ако неговата големина е
доволна за да ја обезбеди саканата покриеност. Алтернативно, може да се користи во комбинација со дополнителни
конфигурации на торакалниот стент-графт Valiant Navion коишто ја зголемуваат должината на графтот дистално или
проксимално на примарниот дел.
Сите стент-графтови се составени од платформи на самопроширувачки стент коишто се направени од нитинолна жица
и зашиени со неапсорбирачки шевови за графт од ткаенина. Металната платформа е составена од серија на
серпентински стентови наредени во цевчеста конфигурација. Рендгенски видливи (RO) маркери се зашиваат на секоја
компонента на стент-графтот за да помогнат при визуелизацијата и за да го олеснат прецизното поставување.
Нитинолските стентови може да се гледаат и со флуороскопија. Погледнете во Таб. 1 (Материјали за стент-графт) за
резиме на материјали за стент-графт.
Соодветната големина на помагалото е дадена во упатствата за големина. Погледнете во Дел 6.3 (Препорачана
големина на помагало) и Дел 6.4 (Препораки за големина на помагало) за детални информации за големината за сите
компоненти на стент-графтот.
Упатства за употреба
Македонски
433