Medtronic Extended Bedienungsanleitung Seite 102

Ábendingar fyrir notkun
Medtronic Extended innrennslissettið er ætlað
fyrir ísetningu lyfja undir húð sem gefin eru með
utanáliggjandi dælu. Innrennslissettið er einnota.
Lýsing
Medtronic Extended innrennslissettið er
með mjúkri 90 gráðu holnál. Það er afhent
tilbúið til notkunar í forhlöðnu ísetningartæki
með sjálfvirkum inndrætti nálar. Það kemur
dauðhreinsað og ekki hitavaldandi.
Ætluð notkun
Innrennslissettið er ætlað fyrir innrennsli insúlíns
undir húð í meðhöndlun á sykursýki. Lista yfir
samhæft insúlín og innrennslissett er að finna í
notendahandbók Medtronic-dælunnar.
Frábendingar
Þetta innrennslissett er eingöngu ætlað til notkunar
undir húð. Notið innrennslissettið ekki fyrir
innrennsli í bláæð. Notið innrennslissettið ekki með
blóði eða blóðvörum.
Almennar leiðbeiningar
■ Nota má innrennslissettið í að hámarki sjö daga,
eða í samræmi við merkingar á insúlíninu, eftir
því hvor tímalengdin er styttri.
■ Sé verið að nota innrennslissettið í fyrsta skipti
skal fyrsta uppsetning fara fram með lækni
viðstaddan.
Varnaðarorð
■ Notið innrennslissettið ekki ef umbúðirnar eru
opnar eða skemmdar. Opnar eða skemmdar
umbúðir geta verið mengaðar. Það getur valdið
sýkingu.
98
■ Notið innrennslissettið ekki lengur en sjö daga
þar sem það getur valdið rangri gjöf insúlíns,
sýkingu eða ertingu á stungustað.
■ Notið innrennslissettið ekki eftir best fyrir
dagsetningu, eða þegar umbúðir eru opnar eða
skemmdar, þar sem dauðhreinsun getur verið
stofnað í hættu.
■ Notið innrennslissettið ekki ef aftengingarlokið
hefur verið fjarlægt. Notið nýtt innrennslissett
þess í stað. Einn tilgangur aftengingarloksins
er að veita öryggi gegn óviljandi kveikingu á
ísetningarbúnaði sem getur valdið líkamstjóni.
■ Skiptið ekki um innrennslissett rétt áður en
gengið er til náða nema að hægt sé að athuga
blóðsykur einni til þremur klukkustundum á eftir.
■ Setjið ekki alkóhól, sótthreinsunarefni, ilmefni,
svitalyktareyði, snyrtivörur eða önnur efni með
leysiefnum á innrennslissettið. Þessi efni geta
komið niður á gæðum innrennslissettsins.
■ Beinið ísetningartækinu aldrei að líkamshluta
sem ekki er ætlaður til ísetningar.
■ Víxlið alltaf stungusvæðum þegar skipt er um
innrennslissettið. Ef stungusvæði er notað of oft
getur það valdið örmyndun og ófyrirsjáanlegri
insúlíngjöf. Lesið notendahandbók fyrir dæluna
til sjá hvernig á að víxla stungusvæðum.
■ Skoðaðu stungusvæðið oft í gegnum
tóma gluggann. Röng ísetning og viðhald
stungusvæðis getur valdið ónákvæmri
insúlíngjöf, sýkingu eða ertingu á stungustað.
Skiptið um innrennslissett á nýjum stungustað ef
mjúka holnálin er ekki rétt sett í.
■ Athugið hvort það er blóð í holnálarhlífinni og
leiðslum. Blóð getur valdið ónægri insúlíngjöf.
Þetta getur valdið háum blóðsykri. Skiptið um
innrennslissettið á nýjum stungustað ef það
er blóð.
■ Fyllið leiðslur alveg af insúlíni fyrir ísetningu.
Gætið þess að það sé ekki loft í leiðslum. Ef loft
er til staðar glatast stjórn á magni insúlíns.
■ Ef blóðsykursmæling er há skal athuga hvort
leiðslur séu stíflaðar eða hvort þær leki. Stíflur
eða leki geta hamlað insúlíngjöf og valdið háum
blóðsykri. Skiptið um innrennslissett ef grunur
leikur á stíflu eða leka, jafnvel þó hvorugt finnist.
■ Reynið ekki að hreinsa loft eða stíflur í leiðslum
á meðan þær eru tengdar við líkamann. Stjórn
á gefnu insúlíni getur glatast. Þetta getur valdið
háum eða lágum blóðsykri. Aftengið leiðslur
áður en átt er við þær.
■ Ekki endurnýta innrennslissettið. Endurnotkun
innrennslissettsins getur valdið skemmdum á
holnálinni eða nálinni og getur leitt til sýkingar,
ertingar á stungustað eða ófyrirsjáanlegrar
insúlíngjafar.
■ Ef insúlín eða annar vökvi kemst inn í
leiðslutenginguna, getur það stíflað loftopin
tímabundið sem gera dælunni kleift að fylla
innrennslissettið. Það getur orðið til þess
að gefið er of lítið eða of mikið af insúlíni,
sem getur valdið blóðsykurshækkun eða
blóðsykurslækkun. Ef það gerist skal byrjað
aftur með nýju hylki og innrennslissetti.
■ Skoðið notendahandbókina ef það koma upp
viðvaranir um að gjöf sé ekki í gangi eða að
insúlínflæði hafi stöðvast.
■ Notið ekki hylkið eða innrennslissettið ef
annað hvort skemmist við tengingu. Skemmt
hylki eða innrennslissett getur valdið ónógri
insúlíngjöf vegna leka, sem á móti getur valdið
blóðsykurshækkun.