Teleflex ARROW ML-00701 Bedienungsanleitung Seite 41

•
Gæta skal varúðar þegar lyf með háan alkóhólstyrk eru
gefin í innrennsli.
•
Látið ísetningarstaðinn þorna fullkomlega áður en
sáraumbúðir eru settar á.
5. Tryggið gott flæði holleggs fyrir notkun. Notið ekki sprautur
minni en 10 ml til að minnka hættu á leka í holrými eða
sprungu í hollegg.
6. Dragið úr hreyfingum á hollegg meðan á aðgerð stendur til
að oddur hans haldist á réttum stað.
7. Áður en blóðsýni er tekið skal loka tímabundið öðrum
tengjum, ef við á, fyrir innrennsli lausna.
Ekki er víst að settin innihaldi allan þann aukabúnað sem
tilgreindur er í þessum notkunarleiðbeiningum. Kynnið
ykkur leiðbeiningar fyrir hvern einstakan íhlut áður en
aðgerðin hefst.
Ábending um aðferð við notkun:
1. Komið sjúklingnum fyrir í stöðu sem hentar ísetningarstaðnum.
• Ísetning í viðbeins- eða hóstarbláæð: Komið sjúklingnum fyrir í Trendelenburg
stöðu eins og hann þolir, til að draga úr hættu á loftsegamyndun og til að auka
bláæðafyllingu.
• Ísetning í lærleggsbláæð: Komið sjúklingi fyrir í útafliggjandi stöðu.
2. Búið miðlæga bláæðahollegginn undir ísetningu með því að skola hvert hol og setja
klemmur eða inndælingarhettur á viðkomandi framlengingarslöngur eins og þarf.
Viðvörun: Skerið ekki hollegginn til að breyta lengd.
3. Undirbúið hettu blæðingarstöðvunarloka með viðeigandi smitsæfingu samkvæmt
reglum sjúkrahússins. Gerið það einnig á ytri hluta lokans ofan á hettunni. Lokið
blæðingarstöðvunarlokanum með fingri í smitsæfðum hanska.
• Flettið aftur endanum á sýkingarvörn æðaleggsins með fingrum í smitsæfðum
hanska, þannig að oddur holleggsins komi í ljós (sjá mynd 1).
• Takið utan um hollegginn á meðan hann er enn í sýkingarvörninni sem fletta á af
og setjið hann í blæðingarstöðvunarlokann. Rennið æðaleggnum áfram og flettið
sýkingarvörninni af þar til holleggstengið festist við blæðingarstöðvunarlokann
(sjá mynd 2).
4. Metið staðsetningu odd holleggsins í samræmi við viðmiðunar- og verklagsreglur
stofnunarinnar.
5. Ef oddur holleggsins er á röngum stað skal meta aðstæður og skipta um eða færa
hollegginn í samræmi við viðmiðunar- og verklagsreglur stofnunarinnar.
Notið smitsæfða aðferð.
6. Tengið allar framlengingar við viðeigandi Luer-Lock leiðslu(r) eins og þörf krefur.
Ónotuðum tengjum má „læsa" með inndælingarhettu(m) í samræmi við verklagsreglur
sjúkrahússins. Slönguklemmur eru á framlengingaslöngurnar til að loka fyrir flæði
gegnum hvert holrými á meðan skipt er um slöngur og inndælingarhettur.
Varúðarráðstöfun: Til að lágmarka hættu á skemmdum á framlengingarslöngum
vegna of mikils þrýstings verður að opna hverja klemmu áður en innrennsli hefst
gegnum viðkomandi holrými.
Opnun holleggs:
Haldið holleggnum opnum samkvæmt viðmiðunarreglum, aðferðum og verklagsreglum
stofnunarinnar. Allir starfsmenn sem sjá um sjúklinga með miðlægan æðahollegg verða
að hafa þekkingu á árangursríkri meðhöndlun til að lengja þann tíma sem holleggurinn
er inniliggjandi og koma í veg fyrir skaða.
Aðferð við að taka hollegg úr íkomubúnaði:
1. Leggið sjúkling á bakið samkvæmt klínískum ábendingum til að minnka hættu
á mögulegu loftreki.
2. Leysið hollegginn og dragið hann úr íkomubúnaði. Lokið tímabundið opi lokans með
fingri í smitsæfðum hanska þar til búið er að koma lokunarteininum fyrir. Komið
lokunarteininum fyrir.
Viðvörun: Ávallt verður að vera lokað fyrir blæðingarstöðvunarlokann til að
draga úr hættu á loftreki eða blæðingu.
Frekara efni um mat sjúklinga, klíníska fræðslu, aðferðir við ísetningu og mögulega
fylgikvilla tengda þessari meðferð er að finna í stöðluðum kennslubókum, birtu
læknisfræðilegu efni og á vefsíðu Arrow International LLC: www.teleflex.com
PDF-skjal með þessum notendaleiðbeiningum er að finna á www.teleflex.com/IFU
Hér má finna samantekt á öryggi og klínískri virkni (Summary of Safety and Clinical
Performance - SSCP) fyrir „Arrow CVC" eftir opnun Evrópska gagnabankans um lækningatæki/
Eudamedd: https://ec.europa.eu/tools/eudamed
Fyrir sjúkling/notanda/þriðja aðila í Evrópusambandinu og í löndum með sama
reglugerðarumhverfi (reglugerð 2017/745/EB um lækningatæki); ef það hefur orðið
alvarlegt atvik við notkun þessa búnaðar eða sem afleiðing af notkun hans skal
tilkynna það til framleiðanda og/eða viðurkennds umboðsaðila og til yfirvalda
í landinu. Tengiliðaupplýsingar fyrir þar til bær yfirvöld í hverju landi (tengiliðir vegna
lyfjagátar) og frekar upplýsingar er að finna á eftirfarandi vef Evrópusambandsins:
https://ec.europa.eu/growth/sectors/medical-devices/contacts_en
41