Bosch GTS 10 XC Professional Originalbetriebsanleitung Seite 318

318 | Македонски
Проверка на основните поставки и подесување
За да обезбедите прецизни резови мора да ги проверите
основните поставки по интензивно користење на
електричниот апарат и евентуално да ги подесите.
За тоа ви е потребно искуство и соодветен специјален
алат.
Сервисната служба на Bosch оваа работа ја води прецизно
и доверливо.
Подесување на граничниците за стандарден агол на
закосување 0°/45° (вертикално)
– Подесете го електричниот апарат во работна позиција.
– Поставете го еден вертикален агол на закосување на
листот на пилата од 0°.
– Навалете ја заштитната хауба 5.x до крај кон назад.
Проверете: (види слика M1)
– Поставете го агломерот на 90° и ставете го на масата за
пилата 17.
Кракот на агломерот мора да биде прецизен по целата
должина со листот на пилата 32.
Поставување: (види слика M2)
– Олабавете ја завртката 67.
На тој начин ќе може да се помести 0°-граничник 28.
– Олабавете го лостот за блокада 26.
– Поместувајте го рачното тркало 19 кон 0°-граничникот,
додека кракот на аголното мерило не биде рамен по
целата должина на листот на пилата.
– Држете го рачното тркало во оваа позиција и повторно
затегнете го лостот за блокада 26.
– Повторно затегнете ја завртката 67.
Доколку показателот на агли 61 по подесувањето не е во
линија со 0°-ознаката на скалата 27, олабавете ја
завртката 68 со обичен крстест одвртувач и насочете го
показателот на агли по должина на 0°-ознаката.
Повторете ги горе наведените работни чекори соодветно
и за вертикален агол на закосување од 45° (олабавете ја
завртката 69; подесете го 45°-граничник 25). Притоа
показателот на агли 61 не смее повторно да се поместува.
Паралелност на листот на пилата со водечките жлебови
на аголниот граничник (види слика N)
– Подесете го електричниот апарат во работна позиција.
– Навалете ја заштитната хауба 5.x до крај кон назад.
Проверете:
– Со еден молив означете го првиот лев забец на пилата
којшто може да се види одзади над плочата за
вметнување.
– Поставете го аголното мерило на 90° и наместете го на
работ на водечкиот жлеб 9.
– Поместувајте го кракот на аголното мерило додека не
ги допре означените запци на пилата и прочитајте го
растојанието помеѓу листот на пилата и водечкиот
жлеб.
– Вртете го листот на пилата додека означениот забец не
застане однапред над плочата за вметнување.
– Поместувајте го аголното мерило по должина на
водечкиот жлеб до означениот забец на пилата.
1 609 92A 15S | (29.1.15)
– Повторно измерете го растојанието меѓу листот на
пилата и водечкиот жлеб.
Двете измерени растојанија мора да бидат идентични.
Поставување:
– Олабавете ги завртките со внатрешна шестаголна глава
70 на предната страна под масата за пила и завртките со
внатрешна шестаголна глава 71 на задната страна под
масата за пила со испорачаниот клуч со внатрешна
шестаголна глава 37.
– Внимателно движете го листот на пилата додека не
дојде паралелно со водечкиот жлеб 9.
– Повторно затегнете ги сите завртки 70 и 71.
Подесување на показателот на растојание на масата за
пила (види слика O)
– Позиционирајте го паралелниот граничник десно од
листот за пилата.
Поместувајте го паралелниот граничник додека
ознаката во лупата 64 не покаже на долната скала
33 cm.
За фиксирање повторно притиснете ја затегнувачката
дршка 47 надолу.
– Повлечете ја затегнувачката дршка 18 сосема нагоре и
извлечете го проширувањето на масата 11 до крај.
Проверете:
Показателот на растојание 65 на горната скала 1 мора да
покажува идентична вредност како ознаката во лупата 64
на долната скала 1.
Поставување:
– Олабавете ја завртката 72 со крстест одвртувач и
насочете го показателот на растојание 65 по должина
на 33-cm-ознаката на горната скала 1.
Подесување на паралелноста на паралелниот
граничник (види слика P)
– Подесете го електричниот апарат во работна позиција.
– Навалете ја заштитната хауба 5.x до крај кон назад.
– Олабавете ја затегнувачката дршка 47 на паралелниот
граничник и поместувајте ја додека не го допре листот
на пилата.
Проверете:
Паралелниот граничник 8 мора да го допира листот на
пилата по целата должина.
Поставување:
– Олабавете ги завртките со внатрешна шестаголна глава
82 со испорачаниот клуч со внатрешна шестаголна
глава 37.
– Внимателно поместувајте го паралелниот граничник8,
додека не го допре листот на пилата по целата должина.
– Држете го паралелниот граничник во оваа позиција и
повторно притиснете ја затегнувачката дршка 47
надолу.
– Затегнете ги инбус завртките 82 повторно цврсто.
Bosch Power Tools