3M EXOFIT-Serie Bedienungsanleitung Seite 171

ANSI/ASSP Z359.11 Bandarískur staðall
Viðauki A
12. Framhlið – Tengibúnaður að framan er notaður sem tenging þegar klifrað er upp stiga til stýrðrar fallstöðvunar þegar
engar líkur eru á því að falla á annan hátt en með fæturna á undan, eða í vinnustöðu. Þegar notandinn fær stuðning frá
tengibúnaðinum að framan eftir fall eða í vinnustöðu er unnið í sitjandi líkamsstöðu með efri hluta líkamans beinan og
þyngdin hvílir á lærum og þjóhnöppum. Beislið fyrir allan líkamann er hannað til að beina þyngd umhverfis lærin og undir
þjóhnappana með mjaðmagrindarólinni, þegar beislið er stutt með tengibúnaði að framan við fall.
Þegar tengibúnaðurinn að framan er notaður við fallstöðvun, skal hæfur aðili sem metur slíka notkun grípa til aðgerða sem
tryggja að fall geti einungis átt sér stað með fæturna á undan. Slíkt kann að fela í sér að takmarka heimilaða hæð í frjálsu falli.
13. Axlir – Nota skal tvöfaldan tengibúnað fyrir axlir sem er viðunandi tengibúnaður fyrir björgun og við inngöngu/heimt. Ekki
skal nota tengibúnað fyrir axlir til fallvarnar. Ráðlagt er að nota tengibúnað fyrir axlir ásamt klafa með dreifibúnaði til að
aðskilja ólar beislisins fyrir allan líkamann.
14. Mitti, bak – Aðeins skal nota tengibúnað fyrir mitti og bak til fallhömlunar. Ekki skal nota tengibúnað fyrir mitti og bak
til fallstöðvunar. Undir engum kringumstæðum má nota tengibúnað fyrir mitti og bak í öðrum tilgangi en til fallhömlunar.
Tengibúnaður fyrir mitti og bak skal aðeins sæta lágmarksálagi í gegnum mitti notandans og skal aldrei nota til að bera alla
líkamsþyngd notandans.
15. Mjaðmir – Eingöngu skal nota tvöfaldan tengibúnað fyrir mjaðmir og einungis í vinnustöðu. Ekki skal nota tengibúnað fyrir
mjaðmir sem fallvörn. Starfsfólk í garðyrkju og starfsfólk veitufyrirtækja notar oft tengibúnað fyrir mjaðmir í vinnustöðu til
að klifra upp staura og starfsfólk í byggingariðnaði notar iðulega slíkar festingar við járnabindingar og til að klifra mótaveggi.
Notendur eru varaðir við því að geyma ónotaða enda dragreipis til fallvarnar í tengibúnaði við mjaðmasvæðið (eða öðrum
föstum punktum á beislinu fyrir allan líkamann) vegna hættunnar á að hrasa, eða þegar mörg dragreipi eru notuð fyrir
fótleggi, hættu á of miklu álagi á beislið fyrir allan líkamann og notandann í gegnum ónotaða hluta dragreipisins.
16. Sæti með fjöðrun – Eingöngu skal nota tvöfaldan tengibúnað sætisins með fjöðrun og einungis í vinnustöðu. Ekki skal
nota íhluti upphengda sætisbúnaðarins til fallvarnar. Sæti með fjöðrun eru oft notuð við langvarandi vinnu notenda í hæð og
gerir notendum kleift að sitja á sætinu með fjöðrun á milli festinganna tveggja. Dæmi um slíka notkun er gluggahreinsun á
stórum byggingum.
Skoðun notanda, viðhald og geymsla búnaðar
Notendur fallstöðvunarkerfa skulu að lágmarki fylgja öllum leiðbeiningum framleiðandans varðandi skoðun, viðhald og geymslu
búnaðarins. Fyrirtæki notanda skal geyma leiðbeiningar framleiðanda og sjá til þess að slíkar leiðbeiningar séu öllum notendum
aðgengilegar. Frekari upplýsingar varðandi skoðun notanda, viðhald og geymslu búnaðar er að finna í ANSI/ASSP Z359.2
„Lágmarkskröfur varðandi ítarlega og stýrða fallvarnaráætlun".
1. Fyrir utan skilyrði um skoðanir sem koma fram í leiðbeiningum notandans, skal notandinn skoða búnaðinn fyrir hverja notkun.
Þar að auki skal hæfur aðili annar en notandinn skoða búnaðinn að lágmarki með eins árs millibili m.t.t. eftirfarandi atriða:
• Merkingar eru ekki til staðar eða eru ólæsilegar.
• Íhluti vantar og slík hefur áhrif á lögun, mátun eða notkun búnaðarins.
• Ummerki um galla eða skemmdir á vélbúnaði, þ. á m. sprungur, hvassar brúnir, aflögun, tæringu, skemmdir vegna
íðefna eða of mikils hita, skemmdir vegna breytinga og óhóflegt slit.
• Vísbendingar um galla eða skemmdir á ólum eða reipum eru m.a. þegar efnið er trosnað, laskað, uppsnúið, uppraknað,
flækt, snúið, saumarnir eru rifnir eða slitnir, teygst hefur of mikið á efninu, skemmdir eru til staðar vegna íðefna, mikil
óhreinindi, svörfun, litabreytingar til staðar, of lítil eða of mikil smurning, efnið er of gamalt eða of slitið.
2. Fyrirtæki notandans ákvarðar skoðunarviðmið í tengslum við búnaðinn. Slík skoðunarviðmið fyrir búnaðinn skulu jafngilda
eða vera betri en skilyrði sem koma fram í þessu staðli eða leiðbeiningum framleiðandans, hvort sem er strangara.
3. Þegar skoðun leiðir í ljós galla, skemmdir eða ófullnægjandi viðhald búnaðar, skal taka búnaðinn varanlega úr notkun
eða upprunalegur framleiðandi búnaðarins eða fulltrúi hans skal framkvæma fullnægjandi viðhald og viðgerðir áður en
búnaðurinn er notaður að nýju.
Viðhald og geymsla
1. Fyrirtæki notanda skal sjá um viðhald og geymslu búnaðar samkvæmt fyrirmælum framleiðanda búnaðarins. Leita skal ráða
hjá framleiðanda varðandi einstök vandamál sem kunna að koma upp í tengslum við notkunarskilyrði.
2. Merkja skal búnað sem þarf að gera við eða er áætlað að gert verði við sem ónothæfan og taka hann úr notkun.
3. Geyma skal búnaðinn við skilyrði sem varna skemmdum af umhverfisaðstæðum, eins og hitastigi, ljósi, útfjólubláu ljósi,
miklum raka, olíu, íðefnum og útgufun slíkra íðefna eða öðrum efnum sem valda niðurbroti.
ANSI/ASSP Z359 Kröfur um rétta notkun og viðhald
171
beisla fyrir allan líkamann