3M EXOFIT-Serie Bedienungsanleitung Seite 158

1.0 NOTKUN VÖRU
1.1 TILGANGUR: Notendur klæðast beisli fyrir allan líkamann til að tengjast fallvarnarkerfum. Festingarnar á beislinu fyrir
allan líkamann eru notaðar sem tengipunktar fyrir áfest undirkerfi til að festa notandann við tiltekinn festipunkt. Hægt
er að nota beisli fyrir allan líkamann ásamt margvíslegum fallvarnarkerfum. Notkun kerfisins fer eftir gerð beislisins fyrir
allan líkamann og tengibúnaðinum á beislinu. Tæmandi lista yfir tiltæka notkun við fallvörn fyrir viðkomandi tegund af
beisli fyrir allan líkamann er að finna í „Vöruyfirlitinu" og á mynd 2.
1.2 STAÐLAR: Þessi vara er í samræmi við innlenda og svæðisbundna staðla sem tilgreindir eru á forsíðu þessara
leiðbeininga. Ef þessi vara er endurseld utan upprunalandsins skal endursöluaðilinn veita þessar leiðbeiningar á tungumáli
landsins þar sem varan verður notuð.
;
Frekari upplýsingar um vottun eða skilyrði varðandi reglufylgni er að finna í viðeigandi stöðlum og reglugerðum
fyrir vöruna sem um ræðir (t.d. kóðar ANSI/ASSP Z359 um fallvarnir).
1.3 ÞJÁLFUN: Búnaðurinn þarf að vera settur upp og notaður af aðilum sem hafa hlotið þjálfun í réttri notkun hans. Þessar
leiðbeiningar skal nota sem hluta af þjálfun starfsmanna í samræmi við landsbundnar eða svæðisbundnar kröfur. Það er
á ábyrgð notenda og uppsetningaraðila þessa búnaðar að þeir/þær hafi náð góðum skilningi á leiðbeiningum þessum og
hlotið þjálfun í réttri umhirðu og notkun þessa búnaðar. Einnig er nauðsynlegt að þeir/þær skilji eiginleika búnaðarins við
notkun, takmarkanir hans, og hvaða afleiðingar það getur haft að nota þennan búnað á rangan hátt.
1.4 BJÖRGUNARÁÆTLUN: Við notkun búnaðarins og tengdra undirkerfa verður vinnuveitandi að gera skriflega
björgunaráætlun og hafa tilföng til að hrinda slíkri áætlun í framkvæmd og miðla henni til notenda, aðila með leyfi og
björgunaraðila. Mælt er með að þjálfað björgunarteymi sé á staðnum. Meðlimir í björgunarteymi þurfa að fá nauðsynlegan
búnað og tæki til að geta framkvæmt farsæla björgun. Þjálfun ætti að fara fram með reglubundnum hætti til að tryggja
skilvirkni við björgun. Björgunarfólk ætti að fá þessar leiðbeiningar í hendur. Hægt þarf að vera að sjá eða hafa samskipti
við aðilann sem verið er að bjarga öllum stundum meðan á björguninni stendur.
2.0 KERFISKRÖFUR
2.1 GETA: Afkastageta fullbúins fallvarnarkerfis takmarkast við hámarksafkastagetu íhlutarins sem hefur lægstu uppgefnu
afkastagetuna. Ef tengda kerfið hefur til dæmis lægri afkastagetu en beltið þarf að fylgja kröfum tengda kerfisins fyrir
afkastagetu. Kröfur um afkastagetu fyrir hvern íhlut kerfisins er að finna í leiðbeiningum framleiðanda.
2.2 TENGD UNDIRKERFI: Tengd kerfi (sjálfinndraganlegur búnaður, dragreipi með höggdeyfum, líflínukerfi o.s.frv.) verða að
henta notkuninni. Frekari upplýsingar er að finna í leiðbeiningum framleiðanda kerfisins.
2.3 UMHVERFISHÆTTA: Notkun þessa búnaðar á svæðum með umhverfishættu getur krafist viðbótarráðstafana til að koma
í veg fyrir meiðsli á notendum eða skemmdir á búnaði. Hættur geta meðal annars verið: hár hiti, íðefni, ætandi umhverfi,
háspennulínur, sprengifimar eða eitraðar lofttegundir, vélbúnaður á hreyfingu, hvassar brúnir eða efni fyrir ofan sem getur
fallið niður eða komist í snertingu við notandann eða búnaðinn. Hafðu samband við tækniþjónustu 3M til að fá frekari
skýringar.
2.4 HANGIÐ Í BEISLI Í LANGAN TÍMA: Ekki skal nota beisli fyrir allan líkamann til að hanga í hæð í lengri tíma. Það getur
valdið áverkum að hanga í beisli í langan tíma. Ef notandinn ætlar að vinna í hæð í lengri tíma er viðkomandi ráðlagt að
nota einhvers konar sætisstuðning. 3M mælir með sætisborði, vinnusæti fyrir línur, sætisstroffu eða bátsmannsstól. Hafðu
samband við tæknideild 3M til að fá frekari upplýsingar.
2.5 SAMHÆFI ÍHLUTA: Búnaður frá 3M er sérhannaður til notkunar með öðrum búnaði frá 3M. Kalla verður til hæfan
aðila til að samþykkja notkun á búnaði frá öðrum framleiðendum en 3M. Þegar upprunalegum búnaði er skipt út fyrir
ósamþykktan búnað getur slíkt dregið úr samhæfi búnaðarins og haft áhrif á öryggi og áreiðanleika fallvarnarkerfisins.
Áður en búnaðurinn er notaður skaltu lesa og fylgja öllum viðeigandi fyrirmælum og varnaðarorðum.
2.6 SAMHÆFI TENGJA: Tengi eru samhæf við tengieiningar þegar stærð og lögun hvors íhlutar veldur því ekki að tengið
opnist fyrir slysni, óháð því hvernig það snýr. Tengi verða að uppfylla viðeigandi staðla. Tengi verða að vera alveg lokuð og
læst við notkun.
Tengi 3M (smellukrókar og karabínur) eru aðeins ætluð til notkunar eins og tilgreint er í notkunarleiðbeiningum þeirra.
Tryggðu að tengi séu samhæf við kerfisíhluti sem þau tengjast. Ekki nota búnað sem er ekki samhæfur. Séu íhlutir sem
ekki eru samhæfir notaðir getur það valdið því að tengið losni fyrir slysni (sjá mynd 3). Ef tengieining sem tengi er fest
við er of lítil eða óregluleg að lögun gæti ástand komið upp þar sem tengieiningin beitir afli á hlið tengisins (A). Þetta afl
getur síðan valdið því að hliðið opnist (B) og tengið losni frá tengieiningunni (C).
158