3M EXOFIT-Serie Bedienungsanleitung Seite 170

ANSI/ASSP Z359.11 Bandarískur staðall
Viðauki A
L ATHUGIÐ:
Hér á eftir eru almenn skilyrði og upplýsingar sem koma fram í ANSI/ASSP Z359. Fallvarnir 3M kunna að setja
strangari skilyrði varðandi notkun á vörum fyrirtækisins. Frekari upplýsingar er að finna í viðeigandi notendahandbók frá 3M.
1. Brýnt er að notendur búnaðar af slíkri gerð hljóti fullnægjandi þjálfun og leiðbeiningar við notkun búnaðarins við störf
sín, þ.m.t. upplýsingar um ítarlegar verklagsreglur varðandi örugga notkun á slíkum búnaði. ANSI/ASSP Z359.2,
„Lágmarkskröfur varðandi ítarlega og stýrða fallvarnaráætlun" innihalda leiðbeiningar og setja skilyrði í tengslum við stýrða
fallverndaráætlun vinnuveitanda, þar á meðal stefnur, skyldur og þjálfun, verklagsreglur í tengslum við fallvarnir, hvernig
skal fjarlægja og stjórna fallhættum, björgunaraðgerðir, rannsóknir á tilvikum og mat á skilvirkni áætlunar.
2. Beisli fyrir allan líkamann verða að falla þétt að líkamanum til að ná fram hámarksafköstum búnaðarins. Notendur skulu
hafa hlotið þjálfun í að velja rétta stærð af búnaði og sjá til þess að beislið fyrir allan líkamann passi og sitji rétt.
3. Notendur skulu fylgja leiðbeiningum framleiðanda hvað varðar rétta mátun og réttar stærðir. Gæta skal þess sérstaklega að
tengja og stilla sylgjur á réttan hátt, að allar ólar liggi á öllum stundum þétt að fótleggjum og öxlum, að ólar yfir brjóstkassa
séu fyrir miðjum brjóstkassanum og að ólar fyrir fótleggi liggi rétt og þétt að líkamanum til að koma í veg fyrir snertingu við
kynfæri ef notandi skyldi falla.
4. Beisli fyrir allan líkamann sem uppfylla skilyrði ANSI/ASSP Z359.11 skal nota með öðrum íhlutum fyrir fallstöðvunarkerfi
notanda sem takmarka álag við fall við að hámarki 8 kN (1800 lbf) eða minna.
5. Álagsmeiðsli eða blóðrásartruflanir vegna falls úr hæð eru alvarleg líkamsmeiðsli sem má fyrirbyggja með því að nota
beisli með viðunandi hönnun, skjótum björgunaraðgerðum og álagsvarnarbúnaði eftir fall. Notandi með meðvitund kann
að nota búnað sem dregur úr álagi til að losa um álag á fótleggi og koma blóðflæði aftur af stað og hindra að einkenni
blóðrásartruflana vegna falls komi fram. Ekki skal festa framlengingarhluta festingar beint við festingu eða festipunkt í
því skyni að koma í veg fyrir fall. Nota skal orkugleypi til að takmarka fallálag við 8 kN (1800 lbf). Lengd framlengingar
tengibúnaðarins getur haft áhrif á útreikninga fjarlægða í frjálsu falli og fallhæðar.
6. Teygja á beisli fyrir allan líkamann, eða teygja á íhlutum fallstöðvunarkerfis beislis fyrir allan líkamann við fall, getur valdið
meiri teygju á kerfinu við fallstöðvun. Mikilvægt er að taka mið af aukningu á fallhæð vegna teygju á beislinu fyrir allan
líkamann og lengd tengisins á beislinu fyrir allan líkamann, mátun líkama notandans í beislinu fyrir allan líkamann og öðrum
áhrifaþáttum við útreikninga á nauðsynlegri heildarfallhæð fyrir tiltekið fallstöðvunarkerfi.
7. Festingar dragreipa á D-hringjum beisla fyrir allan líkamann sem eru ekki í notkun skal ekki festa við vinnustöðueiningu né
aðra berandi einingu á beislinu fyrir allan líkamann, nema hæfur aðili og framleiðandi dragreipisins telji slíka notkun vera
viðunandi. Slíkt er sérstaklega mikilvægt þegar notaðar eru tilteknar gerðir af dragreipum sem eru í laginu eins og „Y",
þar sem tiltekið álag gæti lagst á notandann í gegnum ónotaða dragreipisenda ef slíkir endar geta ekki losnað af beislinu.
Festipunktur dragreipisins er yfirleitt á brjóstkassasvæðinu til að draga úr hættunni á að notandinn hnjóti um eða flækist í
búnaðinum.
8. Lausir endar óla geta fests í vélbúnaði og valdið því að stillibúnaður losni fyrir slysni. Beisli fyrir allan líkamann skulu ávallt
vera búin tengjum eða öðrum íhlutum fyrir lausa enda óla.
9. Vegna eðlislægra eiginleika mjúkra tengja er ráðlagt að festa eingöngu mjúk tengi við mjúkar lykkjur eða karabínur. Ekki
skal nota smellukróka nema framleiðandi hafi samþykkt slíkt fyrir notkunina sem um ræðir.
Viðbótarupplýsingar um staðsetningu og notkun ólíkra tengja sem eru samhæf til notkunar á þessu
beisli fyrir allan líkamann er að finna í hlutum 10-16.
10. Bak – Nota skal bakfestinguna sem aðalfestingu við fallstöðvun, nema tiltekin notkun bjóði upp á notkun tengibúnaðar
af annarri gerð. Einnig er hægt að nota festinguna fyrir bak til fallhömlunar eða við björgun. Beislið fyrir allan líkamann
er hannað til að beina þyngd í gegnum axlarólarnar og umhverfis lærin til að veita notanda stuðning þegar beislið er stutt
með tengibúnaði fyrir bak við fall. Þegar festingin fyrir bak er notuð til að styðja við notandann eftir að fall verður, verður
líkamsstaðan upprétt og hallast örlítið fram á við með lítillegan þrýsting á neðri hluta brjóstkassans. Gefa verður gaum
að því þegar valin er festing sem má renna til eða áföst festing fyrir bakið. Yfirleitt er auðveldara að stilla hliðranlegar
bakfestingar eftir ólíkri líkamsstærð notenda og slíkar festingar veita betri hvíldarstöðu lóðrétt eftir fall, en geta aftur á móti
aukið teygjanleika beislis fyrir allan líkamann.
11. Brjóstkassi – Hægt er að nota tengibúnaðinn fyrir brjóstkassa sem viðbótarfallvarnarbúnað við notkun þar sem hæfur aðili
metur að notkun tengibúnaðar fyrir bak sé óviðeigandi og þegar engar líkur eru á því að fall verði í aðra átt en með fæturna
á undan. Viðurkennd og hagnýt notkun á tengibúnaði fyrir brjóstkassa eru m.a. en takmarkast ekki við, klifur upp stiga með
stýrðan fallvarnarbúnað, klifur upp stiga með sjálfinndraganlega líflínu fyrir ofan höfuð notanda til fallvarnar, í vinnustöðu og
með aðgang að reipi. Einnig er hægt að nota tengibúnaðinn fyrir brjóstkassa til fallhömlunar eða við björgun.
Beislið fyrir allan líkamann er hannað til að beina þyngd í gegnum axlarólarnar og umhverfis lærin til að styðja við
notandann, þegar beislið er stutt með tengibúnaði fyrir brjóstkassa við fall. Þegar tengibúnaður fyrir brjóstkassa er notaður
til að styðja við notandann eftir fall verður líkamsstaðan sitjandi eða á grúfu þar sem þyngdin leggst á lærin, þjóhnappana
og mjóbak. Tengibúnaður fyrir brjóstkassa veitir notandanum stuðning í vinnustöðu og leiðir til uppréttrar líkamsstöðu.
Þegar tengibúnaðurinn fyrir brjóstkassa er notaður við fallstöðvun, skal hæfur aðili sem metur slíka notkun grípa til aðgerða
sem tryggja að fall geti einungis átt sér stað með fæturna á undan. Slíkt kann að fela í sér að takmarka heimilaða hæð í
frjálsu falli. Þegar tengibúnaðurinn fyrir brjóstkassa er tengdur við stillanlega ól fyrir brjóstkassa getur slíkt valdið því að
ólin renni upp á við og hugsanlega kæfi notandann við fall, björgun, vinnu í hæð o.s.frv. Hæfur aðili skal íhuga notkun beisla
fyrir allan líkamann sem eru búin áföstum tengibúnaði fyrir brjóstkassa.
ANSI/ASSP Z359 Kröfur um rétta notkun og viðhald
170
beisla fyrir allan líkamann