Bosch GTS 10 XC Professional Originalbetriebsanleitung Seite 374

374 | Македонски
– Со едната рака цврсто држете ја заштитата на сечилото
за пила (горна метална шина) на заштитниот поклопец
(6) и со другата рака повлечете го нагоре затезниот
лост (49).
– Вметнете ја болцната-водилка (50) наназад во жлебот
на клинот за разделување (7).
– Ставете го заштитниот поклопец (6) надолу, додека
заштитата за сечило за пила (горна метална шина) не е
паралелна со површината на масата за сечење (17).
– Притиснете го затезниот лост (49) надолу. Мора да се
почувствува и да се слушне кога ќе се вклопат
затезниот лост и заштитниот поклопец (6) и безбедно
да се монтираат.
Пред секое користење, проверете дали заштитниот
u
поклопец се движи слободно. Не го користете
електричниот алат доколку заштитниот поклопец
не се движи слободно или не се затвора веднаш.
Монтирање на продолжетокот за маса за сечење
(види слика e)
За монтажа користете го сетот за прицврстување
„Продолжеток за маса за сечење" (43) (2 завртки за
прицврстување, 2 подлошки, 1 вилушкаст клуч).
– Завртете го продолжетокот за маса за сечење (10) со
водилките (24). За тоа фиксирајте ги водилките со
вилушкастиот клуч, додека ги затегнувате завртките за
прицврстување со клучот со внатрешна шестаголна
глава.
Притоа, вдлабнатините во продолжетокот на масата за
сечење мора да покажуваат нагоре.
Монтирање на паралелниот граничник (види слика f)
Паралелниот граничник (8) може да се позиционира лево
или десно од сечилото за пила.
– Олабавете ја затезната дршка (51) на паралелниот
граничник (8). На тој начин се растеретува V-
водилката (44).
– Најпрво ставете го паралелниот граничник со V-
водилката во водечкиот жлеб (30) на масата за
сечење. Потоа позиционирајте го паралелниот
граничник во предниот водечки жлеб на сечилото на
пила (35).
Сега паралелниот граничник може да го поместувате
по желба.
– За фиксирање на паралелниот граничник притиснете
на затезната дршка (51) надолу.
Монтирање на дополнителниот паралелен граничник
(види слика g)
За сечење на тесни предмети и за сечење под
вертикален агол на закосување мора да се монтира
дополнителен паралелен граничник (52) на паралелниот
граничник (8).
По потреба, дополнителниот паралелен граничник може
да се монтира на левата или десната страна на
паралелниот граничник (8).
1 609 92A 4PX | (20.03.2019)
За монтажа користете го сетот за прицврстување
„Дополнителен паралелен граничник" (39) (2 завртки за
прицврстување, 2 подлошки, 2 пеперутка-навртки).
– Вметнете ги завртките за прицврстување низ
страничните отвори на паралелниот граничник (8).
– Главите на завртките служат како водилка на
дополнителниот паралелен граничник.
– Поместете го дополнителниот паралелен граничник
(52) над главите на завртките за прицврстување.
– Поставете ги подлошките на завртките за
прицврстување и затегнете ги завртките со помош на
пеперутка-навртките.
Монтирање на аголниот граничник (види слика h1 −
h2)
– Ставете ја шината (53) на аголниот граничник (3) во
жлебовите на водилката (9) предвидени за тоа на
масата за сечење.
Напомена: Позицијата на аголниот граничник може да се
фиксира во левиот водечки жлеб со затегнување на
завртката со нарецкана глава (54) на подвижните
лизгачи (2).
За подобро налегнување на долгите делови за обработка
аголниот граничник може да се прошири низ профилната
шина (34).
– По потреба монтирајте ја профилната шина со помош
на сетот за прицврстување (55) на аголниот
граничник.
Вшмукување на прав/струготини
Правта од материјалите како на пр. слоеви боја, некои
видови дрво, минерали и метал може да биде штетна по
здравјето. Допирањето или вдишувањето на таквата прав
може да предизвика алергиски реакции и/или
заболувања на дишните патишта на корисникот или
лицата во околината.
Одредени честички прав како на пр. прав од даб или бука
важат за канцерогени, особено доколку се во
комбинација со дополнителни супстанци (хромат,
средства за заштита на дрво). Материјалите што содржат
азбест смеат да бидат обработувани само од страна на
стручни лица.
– Затоа, доколку е возможно, користете соодветен
вшмукувач за прав за материјалот што се обработува.
– Погрижете се за добра проветреност на работното
место.
– Се препорачува носење на маска за заштита при
вдишувањето со класа на филтер P2.
Внимавајте на важечките прописи на Вашата земја за
материјалот кој го обработувате.
Всисувачот за прав/струготини може да се блокира
поради прав, струготини или скршени парчиња од делот
што се обработува.
– Исклучете го електричниот алат и извлечете го
струјниот приклучок од приклучницата.
– Почекајте додека сечилото за пила целосно не дојде во
состојба на мирување.
Bosch Power Tools