KERR Demi Ultra Bedienungsanleitung Seite 403

FRÁBENDINGAR
Ekki skal útsetja einstaklinga með sögu um ljósnæmisviðbrögð, þ.m.t. einstaklinga með sólarofsakláða eða
prótóporfýrínvillu (erythropoietic protoporphyria) eða þá sem nota ljósnæmandi lyf, þ.m.t. 8-metoxýsóralen
eða demetýlklórtetrasýklín, fyrir ljósi frá þessu tæki.
Einstaklingar sem hafa farið í skurðaðgerð vegna augndrers eru sérstaklega viðkvæmir fyrir ljósi og ættu
almennt ekki að nota eða vera útsettir fyrir ljósi frá Demi Ultra nema þeir beiti viðeigandi verndarráðstöfunum
til að koma í veg fyrir útsetningu augna (eins og lýst er hér að ofan).
ÖRYGGISVIÐVARANIR OG VARNAÐARORÐ VEGNA VÖRUNNAR
Samræmd virkni og örugg notkun ljósherðingartækisins er háð því að notandinn fari eftir eftirfarandi
verklagsreglum er varða öryggi, sem og sértækum athugasemdum og ráðleggingum sem fram koma í þessum
notkunarleiðbeiningum. Notendur þurfa að vera hæfir heilbrigðisstarfsmenn.
VIÐVARANIR
Demi Ultra herðingarljósið er rafmagnstæki sem hannað er til að uppfylla öryggisstaðla fyrir
raftæki á heimsvísu, þar á meðal í Bandaríkjunum, Kanada og Evrópu, þannig að það sé öruggt
og skilvirkt fyrir alla tannlæknaþjónustu. Til að forðast raflost:
• Ekki má reyna að opna eða breyta tækinu á nokkurn hátt. Eingöngu þjónustuverkstæðum
með umboð frá Kerr Corporation er heimilt að opna hlífðarhús tækisins og lagfæra það.
• Ekki má setja neina aðskotahluti í hlífðarhús tækisins.
• Eingöngu má nota Demi Ultra hleðslustöðina til að hlaða vöruna. Aldrei má reyna að nota
önnur tæki til hleðslu.
• Tengið rafmagnstengið við hentuga, viðurkennda innstungu með jarðtengingu. Ef notuð er
framlengingarsnúra, skal tryggja að jarðtengingin sé ekki rofin.
• Alltaf skal taka hleðslutækið úr sambandi fyrir sótthreinsun.
• Aldrei má nota rafmagnssnúruna ef hún er skemmd.
Demi Ultra herðingartækið framleiðir herðingarorku í miklu magni. Langvarandi útsetning
augna, húðar, munnslímhúðar eða vefja nálægt tannkvikunni getur valdið ertingu eða
meiðslum. Mikilvægt er að kynna sér eftirfarandi varúðarráðstafanir og verklagsreglur:
• Staðsetning: Við herðingu skal staðsetja ljósendann beint fyrir ofan herðingarefnið.
Ekki má beina ljósi beint á eða í átt að óvörðu tannholdi eða húð.
• Útsetning augna: Ekki má horfa beint í ljósið sem kemur frá herðingartækinu. Ekki
má nota tækið án þess að meðferðaraðili, aðstoðarmaður og sjúklingur noti viðeigandi
augnhlífar. Velja skal augnhlíf sem síar blátt-fjólublátt og útfjólublátt ljós. Festið ljóshlífina
tryggilega fyrir hverja notkun. Forðist langvarandi útsetningu óvarinna augna fyrir ljósdrei-
fingu eða endurspeglun ljóss. Ef útsetning fyrir ljósi veldur þokusýn eða mynd sem hverfur
ekki, skal leita ráða hjá lækni.
• Útsetning húðar: Forðist langtíma útsetningu húðar. Ef húðútbrot, húðnæming eða önnur
viðbrögð koma fram, skal stöðva notkun og leita læknis.
• Útsetning munnslímhúðar: Forðist langtíma útsetningu mjúkvefja í munni. Langvarandi
útsetning getur valdið ertingu eða sviða í mjúkvef. Flest minniháttar viðbrögð krefjast
eingöngu ítarlegrar hreinsunar og meðferðar við óþægindum. Ef óþægindin hverfa ekki,
skal leita til læknis.
• Stöðug notkun herðingartækisins með endurteknum og samfelldum herðingarlotum, getur
valdið því að tækið ofhitni. Þessi mikli hiti og geislun geta valdið skemmdum á tannholdi
og mjúkvef við snertingu eða í nálægð við ljósendann. Fylgja skal útsetningartímum sem
tilgreindir eru í leiðbeiningunum til að koma í veg fyrir slíkar skemmdir. Ef þörf er á lengri
herðingu, skal beita fjölliðun með hléum.
VARNARORÐ
• Notið vöruna eingöngu eins og sérstaklega er útskýrt í handbókinni. Öll notkun vörunnar
!
sem samræmist ekki notkunarleiðbeiningum er að eigin ákvörðun og er alfarið á
ábyrgð meðferðaraðilans.
• Demi Ultra skal aðeins nota með meðfylgjandi ljósenda eða öðrum fáanlegum Demi
Ultra ljósenda. Ekki má reyna að nota vöruna með öðrum Demetron ljósbeinum. Ábyrgð
vörunnar nær ekki til tjóns sem stafar af því að reynt er að nota aðra ljósbeina eða ljósenda
en upphaflega Demi Ultra ljósenda. Það eru ekki til íhlutir sem notendur geta sinnt fyrir
þessa vöru. Ekki má opna eða eiga við herðingartækið.
401