Viking MB 248 Gebrauchsanleitung Seite 318

Mos punoni me pajisjen kur bie shi, kur ka
shkreptima dhe veçanërisht kur ekziston
rreziku i goditjes nga rrufeja.
Kur terreni është i lagësht, për shkak të
qëndrueshmërisë më të vogël ekziston një
rrezik më i madh për aksidente.
Prandaj duhet punuar me shumë kujdes
për të parandaluar ndonjë rrëshqitje. Nëse
është e mundur, mos e përdorni pajisjen
kur terreni është i lagësht.
Gazet e shkarkimit:
Rrezik për jetën nga helmimi!
Nëse keni të përziera, dhimbje
koke, çrregullim shikimi (p.sh.
zvogëlim të rrezes së shikimit),
çrregullim dëgjimi, marrje mendsh
dhe ulje të aftësisë së përqendrimit,
ndërpritni punën menjëherë. Këto
simptoma mund të shkaktohen
midis të tjerash edhe nga
përqendrimi i lartë i gazeve të
shkarkimit.
Pajisja prodhon gaze helmuese
sapo motori me djegie të
brendshme fillon të punojë.
Këto gaze përmbajnë monoksid
karboni helmues, një gaz pa ngjyrë dhe pa
erë, si dhe lëndë të tjera të dëmshme.
Motori me djegie të brendshme nuk duhet
vendosur asnjëherë në punë në hapësira
të mbyllura ose me ajrosje të
pamjaftueshme.
Ndezja:
Ndizeni pajisjen me kujdes sipas
këshillave në kapitullin "Vënia e pajisjes në
punë". ( 10.)
Bëni kujdes për distancën e mjaftueshme
të këmbëve nga vegla prerëse.
Nuk lejohet që pajisja të anohet gjatë
ndezjes.
316
Nuk lejohet që gjatë ndezjes të aktivizohet
doreza e njësisë lëvizëse.
Mos e ndizni motorin me djegie të
brendshme kur kanali i daljes nuk është i
mbuluar me kapakun e daljes ose me
shportën për mbledhjen e barit.
Punët në vendet e pjerrëta:
Në vende të pjerrëta duhet punuar
gjithmonë në drejtim të tërthortë dhe
asnjëherë në drejtimin për së gjati.
Nëse gjatë korrjes në drejtimin për së gjati
përdoruesi humb kontrollin mbi pajisjen, ai
mund të rrokulliset nga pajisja korrëse.
Jini veçanërisht të kujdesshëm kur
ndërroni drejtimin e lëvizjes në një vend të
pjerrët.
Bëni gjithmonë kujdes për qëndrimin e
mirë në vend të pjerrët dhe evitoni punën
me pajisjen në vende me pjerrësi shumë të
madhe.
Për arsye sigurie, nuk lejohet që pajisja të
përdoret në vende të pjerrëta me pjerrësi
më të madhe se 25° (46,6 %). Rrezik
lëndimi!
Këndi i pjerrësisë 25° korrespondon me
një ngjitje vertikale prej 46,6 cm në një
gjatësi horizontale 100 cm.
Për të garantuar një lubrifikim të
mjaftueshëm të motorit me djegie të
brendshme, gjatë përdorimit të pajisjes në
vende të pjerrëta duhet respektuar edhe të
dhënat në udhëzimet e përdorimit të
dërguara me motorin me djegie të
brendshme.
Përdorimi gjatë punës:
Rrezik lëndimi!
Asnjëherë mos i vendosni duart ose
këmbët mbi, nën ose në pjesët që
rrotullohen.
Mos tentoni ta inspektoni thikën
kur korrësja e barit është në
punë. Kurrë mos e hapni
kapakun e daljes dhe/ose mos e hiqni
shportën për mbledhjen e barit, për sa
kohë thika korrëse është në punë. Thika
që rrotullohet mund të shkaktojë lëndime.
Drejtojeni pajisjen vetëm me ritmin e ecjes
normale – asnjëherë mos nxitoni gjatë
punëve me pajisjen. Nga drejtimi i shpejtë
i pajisjes rritet rreziku i lëndimit nga
pengimi, rrëshqitja etj.
Jini veçanërisht të kujdesshëm kur
rrotulloni ose kur tërhiqni pajisjen.
Rrezik pengimi!
Përdoreni pajisjen me kujdes të veçantë
kur punoni në afërsi të pjerrësive, buzëve
të terrenit, kanaleve dhe pritave të ujit. Në
mënyrë të veçantë bëni kujdes për
distancën e mjaftueshme nga këto vende
të rrezikshme.
Shmangni objektet e fshehura në vijëzën e
barit (sistemet spërkatëse, shufrat,
valvulat e ujit, themelet, kordonët elektrikë
etj.). Mos kaloni kurrë mbi objekte të tilla.
Bëni kujdes nga vazhdimi i
lëvizjes së veglës prerëse, e cila
kërkon disa sekonda derisa të
ndalojë plotësisht.
Fikni motorin me djegie të
brendshme, lëreni veglën e punës të
ndalojë dhe hiqni prizën e kandelave,
0478 111 9827 A - SQ