Notendaleiðbeiningar - 3M Speedglas 9002NC Gebrauchsanweisung

i
NOTENDALEIÐBEININGAR
Lesið þessar leiðbeiningar samhliða öðrum viðeigandi notkunarleiðbeiningum og
bæklingum þar sem finna má upplýsingar um samþykktar samsetningar, varahluti og
aukabúnað.
KERFISLÝSING
Varan verndar augu og andlit notandans. Hún veitir varanlega vörn gegn
neistum/slettum og útfjólublárri og innrauðri geislun frá tilteknum
ljósboga-/logsuðuaðgerðum (jafngildir skyggingu 12, óháð því hvort sían er í ljósri eða
dökkri stöðu eða hvort sjálfvirk dekking er virk).
VARÚÐ!
Rétt val, þjálfun, notkun og viðeigandi viðhald eru allt nauðsynlegir þættir til að varan
geti varið notandann fyrir hættu. Ef öllum notkunarleiðbeiningum þessara persónuhlífa
er ekki fylgt og/eða ef persónuhlífarnar eru ekki notaðar rétt í heild sinni allan
váhrifatímann getur það haft skaðleg áhrif á heilsufar notandans og leitt til alvarlegra
eða lífshættulegra sjúkdóma eða varanlegrar fötlunar. Til að varan henti og sé notuð
rétt skal fylgja staðbundnum reglugerðum og fara eftir öllum upplýsingum sem með
henni fylgja.
^ Veitið viðvörunaryfirlýsingum sérstaka athygli þar sem í þær er vísað.
VIÐURKENNINGAR
Þessi persónulegi hlífðarbúnaður er CE-merktur og í samræmi við reglugerð
Evrópuþingsins um persónuhlífar, tilskipanir og samhæfða evrópska staðla, eins og
tilgreint er á mynd H:1, sem einnig inniheldur upplýsingar um tilkynnta aðilann sem
hefur gefið út ESB-gerðarprófunarvottorð fyrir þennan persónulega hlífðarbúnað
(eining B) og þegar við á, tilkynnta aðilann sem ber ábyrgð á eftirliti með gæðakerfi
framleiðslu á persónuhlífunum (eining D). EB-gerðarprófunarvottorð og
samræmisyfirlýsingu er að finna á www.3M.com/welding/certs
TAKMARKANIR Á NOTKUN
^ Notið aðeins með upprunalegum 3M-varahlutum og -fylgihlutum sem taldir eru
upp í þessum notkunarleiðbeiningum og aðeins við þau notkunarskilyrði sem tilgreind
eru í tæknilýsingunni.
^ Notkun staðgönguhluta, merkingar, málning eða breytingar sem ekki eru
tilgreindar í þessum notendaleiðbeiningum kunna að skerða vörnina verulega og
gætu ógilt kröfur samkvæmt ábyrgðinni eða valdið því að varan uppfylli ekki skilyrði
verndarflokka og viðurkenninga.
^ Ef öryggisgleraugu eru notuð yfir venjuleg gleraugu kunna venjulegu gleraugun að
taka við og leiða áfram högg sem skapar notandanum hættu.
^ Notkun þessarar vöru við einhverja aðra vinnslu, svo sem lasersuðu/-skurð, getur
valdið varanlegum augnskaða og sjónmissi.
^ Ef þessir suðuhjálmar eru notaðir við erfið logsuðuverk þar sem hætta er á að
bráðinn málmur slettist niður getur það leitt til alvarlega brunasára.
^ Ef varan dökknar ekki til að bregðast við ljósboga skal stöðva suðuna tafarlaust og
skoða logsuðusíuna eins og lýst er í þessum leiðbeiningum. Áframhaldandi notkun á
logsuðusíu sem dökknar ekki getur valdið tímabundnum sjónmissi. Ef ekki er unnt að
greina og ráða bót á vandamálinu skal ekki nota logsuðusíuna heldur leita aðstoðar
hjá yfirmanni, dreifingaraðila eða 3M.
^ Efni sem geta komist í snertingu við húð notenda munu ekki valda
ofnæmisviðbrögðum nema hjá minnihluta notenda. Þessar vörur innihalda ekki íhluti
sem gerðir eru úr náttúrulegu gúmmílatexi.
^ Leiftrandi ljósgjafar (þ.e. blá leifturljós, öryggisljós o.þ.h.) geta sett logsuðusíuna af
stað og valdið því að ljósið byrji að leiftra, jafnvel þótt engin logsuða eigi sér stað.
Þetta er algengt vandamál við allan síubúnað með sjálfvirkri dekkingu. Þessi truflun
getur komið úr mikilli fjarlægð og/eða frá endurkasti ljóss. Til að forðast slík truflandi
áhrif skal skerma logsuðusvæði af eða skipta ljósum út fyrir LED-leifturljós.
MERKINGAR
Logsuðusía:3/8-12 3M 1/1/1/2/379
3 / 8-12 3M 1 /1 / 1 / 2 / EN379 CE
Ljós skygging
Dökk(ar) skygging(ar)
Auðkenning framleiðanda
Sjónglerjaflokkur.
Ljósdreifingarflokkur
Flokkur breytilegrar gegnhleypni ljóss
Flokkur hallaáhrifa
Gæðamerki eða númer staðals
Athugið! Upplýsingarnar hér að ofan eru aðeins dæmi. Gild flokkun kemur
fram á merkingu logsuðusíunnar.
Logsuðuhjálmur: 3M EN175B
Ytri verndarplata: 3M 1 BT*
Innri hlífðarplata: 3M 1 S
3M = Framleiðandi
1 = sjónglerjaflokkur
S = aukinn styrkur
B = þol fyrir ögnum á miklum hraða við högg í meðallagi (120 m/sek.)
BT = þol fyrir ögnum á miklum hraða við högg í meðallagi (120 m/sek.) við
mjög hátt og mjög lágt hitastig (-5°C og +55°C)
Ef táknin á höggmerkingunni (F,B) eiga ekki við um bæði ytri verndarplötu og
hjálmskel skal lægra verndarstigið eiga við um hlífðarbúnaðinn í heild sinni
*EN 166: þegar tryggja þarf vernd gegn ögnum á miklum hraða við mjög
hátt/lágt hitastig skulu valin hlífðargleraugu vera merkt með bókstafnum T
strax á eftir bókstafnum sem táknar höggorku, þ.e. FT, BT eða AT. Ef
bókstafurinn T kemur ekki strax á eftir bókstafnum sem táknar höggorku skal
aðeins nota hlífðargleraugun gegn ögnum á miklum hraða við stofuhita
Aðrar merkingar á vörunni vísa í aðra staðla.
Z Lesið leiðbeiningar fyrir notkun
Raðnúmer = ár og vika framleiðslu
R = Ár
Q = Mánuður
O = Skal farga sem raf- og rafeindabúnaðarúrgangi
UNDIRBÚNINGUR FYRIR NOTKUN
Gangið úr skugga um að varan sé heil (sjá mynd°A:1), óskemmd og rétt
samsett. Skipta verður út öllum skemmdum eða gölluðum hlutum fyrir hverja
notkun. Athugið hvort sprungur eru í hjálminum og hvort ljós kemst í gegn
^ Sprungið, dældað eða rispað síugler eða verndarplötur minnka skyggni
og geta skert vörnina verulega. Skipta skal tafarlaust um alla skemmda íhluti.
Fjarlægið hlífðarfilmu, ef hún er til staðar, fyrir notkun og gangið úr skugga um
að logsuðusían sé með innri/ytri vörn/hlífðarplötu.
^ Logsuðuhjálmurinn er hitaþolinn en þó getur kviknað í honum eða hann
bráðnað í snertingu við opinn eld eða mjög heitt yfirborð. Haldið hjálminum
hreinum til að draga úr þessari hættu.
NOTKUNARLEIÐBEININGAR
Stillið logsuðuhjálminn eftir þörfum til að hann sitji sem þægilegast og veiti
sem mesta vernd (sjá myndir B:1 -B:3). Hægt er að velja skyggingartölu
samkvæmt töflunni (sjá mynd G:1). Ýtið á hnappinn SHADE/# til að gera
logsuðusíuna virka. Ef ekkert er gert í eina klukkustund SLOKKNAR
sjálfkrafa á logsuðusíunni.
SKYGGING
Til að velja annað skyggingarnúmer er ýtt endurtekið á hnappinn SHADE/#.
NÆMISTILLING
Hægt er að stilla næmi ljósbogagreiningarkerfisins þannig að það henti
mismunandi aðferðum við suðu og ólíkum aðstæðum á vinnustað. Til að sjá
gildandi næmistillingu er ýtt snöggt á hnappinn Sensitivity (næmi). Til að velja
aðra stillingu er ýtt endurtekið á hnappinn Sensitivity (næmi), eða þar til
gaumljósið sýnir æskilega stillingu.
Staða 1 Stilling sem er minnst næm. Notuð ef truflanir eru frá ljósbogum
annarra nálægra málmsuðumanna.
Staða 2 Grunnstaða. Notuð fyrir flestar gerðir logsuðu innan- og
utandyra.
Staða 3 Staða fyrir logsuðu með litlum straumi eða með stöðugum
logsuðubogum (t.d. TIG-suðu).
Staða 4 Hentar fyrir logsuðu með mjög litlum straumi, notkun
TIG-suðuvéla.
SEINKUN
Nota skal seinkunaraðgerðina til að stilla seinkun á að logsuðusían færist
aftur úr dökkri stöðu í ljósa samkvæmt suðuaðferð og straumi
Staða - Skammur opnunartími
Staða I Venjulegur opnunartími
Staða + Langur opnunartími
Í NOTKUN
Skipta skal um rafhlöður þegar rafhlöðuvísirinn sýnir að rafhlaðan er að
tæmast eða ef gaumljósin leiftra ekki þegar ýtt er á hnappana.
Alltaf verður að halda skynjurunum (sjá mynd A:2) á logsuðusíunni hreinum
og ekkert má skyggja á þá til að þeir virki rétt.
22