Medtronic One-Press-Serter Bedienungsanleitung Seite 86

Hafðu samband við næsta þjónustuaðila Medtronic ef þú hefur spurningar eða áhyggjuefni varðandi notkun
innskotshylkisins.
Séu spurningarnarnar eða áhyggjurnar læknisfræðilegs eðlis skaltu hafa samband við heilbrigðisstarfsmann.
Varúðarreglur
Þvoðu hendur með vatni og sápu fyrir ísetningu nemans til þess að minnka líkur á sýkingu.
Fylgstu með blæðingu á ísetningarstaðnum, undir, kringum eða ofan á nemanum. Ef blæðing verður skaltu nota sæfða
grisju og þrýsta stöðugt á nemann í þrjár mínútur.
VIÐVÖRUN: Ekki nota ósæfða grisju til þess að þrýsta á nemann. Notkun á ósæfðri grisju getur valdið sýkingu á
ísetningarstað.
Ef blæðingin stöðvast eftir þrjár mínútur af þrýstingi skaltu tengja sendinn við nemann.
VARÚÐ: Ekki tengja sendinn við nemann ef blæðing á ísetningarstað stöðvast ekki. Virk blæðing getur skemmt
sendinn og orðið til þess að samband milli sendis og móttökutækis rofnar.
Ef blæðingin stöðvast ekki eftir þrjár mínútur af stöðugum þrýstingi skaltu fjarlægja nemann og halda áfram að beita
stöðugum þrýstingi þar til blæðingin stöðvast. Eftir að notaði neminn hefur verið fjarlægður skaltu setja hann rakleiðis
í ílát fyrir oddhvassa hluti. Komdu nýjum nema fyrir á nýjum ísetningarstað.
Athugaðu: Notaðu ávallt nýjan ísetningarstað fyrir ísetningu nýs nema. Það að nota sama ísetningarstað getur
valdið roða, ertingu, sársauka, blæðingum, eymslum og bólgum.
Ekki hreinsa, sótthreinsa aftur eða reyna að fjarlægja nálina úr nálarhlífinni. Meiðsl af völdum nálarstungu gætu átt sér stað.
Ekki má endurnýta nemann. Endurnýting á nema getur valdið skemmdum á yfirborði nemans og leitt til ónákvæmra
blóðsykursgilda, ertingar eða sýkingar á ísetningarstað.
Skiptu um ísetningarstað nemans þannig að staðurinn verði ekki ofnotaður.
Gakktu úr skugga um að neminn sé kirfilega fastur við húðina til þess að koma í veg fyrir að hann losni af
ísetningarstaðnum. Þættir sem geta aukið líkurnar á að neminn losni af eru meiri hreyfing (sérstaklega hjá yngri
sjúklingum) og röng aðferð við að líma.
Áhætta og aukaverkanir
Innskotshylkið inniheldur smáhluti og getur valdið köfnunarhættu sem getur orsakað alvarleg meiðsli eða dauða.
Meðal aukaverkana eru óþægindi og húðerting á ísetningarstað.
Hættuleg efni
Engin.
Ofnæmisvaldar
Engir þekktir.
Hvar skal koma nemanum fyrir
Veldu ísetningarstað þar sem næg fita er undir húð.
Athugaðu: Ekki koma nemanum fyrir styttra en 5 cm (2 tommum) frá naflanum til þess að koma í veg fyrir
óþægindi á ísetningarstað og ófullnægjandi festingu nemans.
Til þess að hámarka virkni nemans og koma í veg fyrir að neminn losni fyrir slysni:
• Ekki setja nemann í vöðva, harða húð eða örvef
• Forðastu svæði sem eru heft vegna fatnaðar eða aukahluta
• Forðastu svæði sem eru undir belti eða í buxnastreng
• Forðastu svæði sem hreyfast mjög mikið við æfingar
Í notendahandbók nemans er að finna skýringarmynd af ísetningarsvæði nemans.
- 82 -