Philips AVENT SCF430 Bedienungsanleitung Seite 112

Shqip
112
Paralajmërimet për të evituar kontaminimin dhe për të garantuar
higjienën:
- Për arsye higjienike, pompa e gjirit synohet vetëm për përdorim të
përsëritur nga një përdorues i vetëm.
- Pastrojini e dezinfektojini të gjitha pjesët përpara përdorimit të parë dhe
pas çdo përdorimi.
- Mos përdorni solucione antibakteriale apo abrazive për pastrimin e pjesëve
të pompës së gjirit, pasi mund ta dëmtoni.
- Lajini mirë duart me ujë e sapun përpara se të prekni pjesët e pompës së
gjirit dhe vetë gjinjtë, për të parandaluar kontaminimin. Evitoni prekjen e
pjesës së brendshme të enëve apo të kapakëve.
Paralajmërimet për të evituar problemet me gjirin dhe thimthat, përfshirë
dhimbjen:
- Lëshojeni gjithnjë dorezën përpara se ta hiqni trupin e pompës nga gjiri,
për të çliruar vakuumin.
- Nëse vakuumi është jokomod apo ju shkakton dhimbje, ndaloni pompimin
dhe hiqeni pompën nga gjiri.
- Mos pomponi më shumë se pesë minuta çdo herë, nëse nuk ia dilni të
shtrydhni qumësht nga gjiri. Provoni të shtrydhni qumështin në një kohë
tjetër gjatë ditës.
- Nëse procesi bëhet tejet jokomod apo i dhimbshëm, ndërpriteni
përdorimin e pompës dhe konsultohuni me mjekun.
- Përdorni vetëm aksesorë dhe pjesë të rekomanduara nga Philips Avent.
- Nuk lejohet modifikimi i pompës së gjirit.
Paralajmërim: Nëse jeni infektuar me virusin e imunodeficiencës humane
(HIV), hepatit B ose C, përdorimi i pompës së gjirit nuk e zvogëlon apo largon
rrezikun e transmetimit të virusit te foshnja juaj nëpërmjet qumështit të gjirit.
Kujdes
Paralajmërim për të parandaluar dëmtimin dhe keqfunksionimin e
pompës së gjirit:
- Mbajini pjesët larg sipërfaqeve të nxehta për të evituar deformimin e tyre.
Përgatitja për përdorim
Çmontoni, pastroni dhe dezinfektoni të gjitha pjesët e pompës së gjirit përpara
se ta përdorni atë për herë të parë, si dhe pas çdo përdorimi.
Kujdes: Bëni kujdes kur hiqni dhe pastroni valvulën e bardhë. Mos fusni
sende në valvulën e bardhë, pasi mund ta dëmtoni.