IKEA 365+ Handbuch Seite 30

VARÚÐ: Fagmanneskja þarf að sinna viðgerðum á
hraðsuðupottinum.
Gott að vita
Hraðsuðupotturinn hentar til notkunar á allar tegundir
af hellum, þar með taldar spanhellur.
Hægt er að nota hraðsuðupottinn eins og
hefðbundinn pott (án loksins) til að brúna matvæli
áður en þau eru elduð undir þrýstingi.
Þú getur sparað orku með því að setja
hraðsuðupottinn á hellu sem hefur sama eða minna
þvermál og potturinn.
Lyftið alltaf pottinum upp þegar hann er færður til á
keramikhelluborði svo það rispist ekki.
Hafið í huga að hraðsuðupotturinn hitnar við notkun.
Notið alltaf pottaleppa þegar hann er snertur.
Gætið þess að það þurrsjóði aldrei í pottinum, það
skemmir hann.
Hraðsuðupotturinn er aðeins ætlaður til matreiðslu,
ekki til að geyma í matvæli. Matvæli sem geymd eru í
pottinum í lengri tíma geta haft áhrif á yfirborðið og
tekið í sig málmbragð.
Þegar hraðsuðupotturinn er notaður á gashellur þarf
að gæta þess að logarnir snerti ekki handföngin.
5. Notkunarleiðbeiningar
Fyrir hverja notkun
Áður en matreitt er í hraðsuðupottinum ætti að fara
yfir öll öryggisatriði pottsins til að draga úr líkum á
skemmdum.
1. Gættu þess að götin fyrir þrýstingsmælinn (8)
innan í pottinum séu hrein.
2. Ef svo er ekki, þarf að þrífa þrýstingsmælinn (8) (sjá
„Þrif og geymsla").
3. Gættu þess að hægt sé að hreyfa öryggisventilinn
(4), að hann sé ekki fastur.
4. Gættu þess að þéttihringurinn (6) sé ekki
skemmdur á nokkurn hátt, þ.e. að hann hafi ekki
klofnað. Athugaðu! Hringurinn getur harðnað með
tímanum og þannig hætt að veita loftþétta lokun.
Það leiðir til þess að gufa sleppur undan lokinu og
þá þarf að skipta um þéttihring. Hafðu samband
við IKEA verslunina til að fá nánari upplýsingar.
Eldun í hraðsuðupotti
1. Settu matvæli og/eða vökva í pottinn. Varúð! Settu
aldrei meiri matvæli og/eða vökva í pottinn en
upp að MAX-merkinu á innanverðum pottinum.
Hámarkið er 4 lítrar (fyrir 6 lítra pott). Þegar elduð
eru matvæli sem þenjast út við eldun, eins og
hrísgrjón eða ýmsar baunategundir, ætti aldrei
að fylla pottinn meira en upp að ½-merkinu á
innanverðum pottinum. Það hindrar að matvælin
yfirfylli pottinn þegar þau þenjast út, og stífli
mögulega þrýstimælinn og öryggisventilinn.
2. Settu lokið (5) á pottinn (10) þannig að kringlótta
merkið á lokinu vísi á kringlótta merkið á neðra
handfanginu (1).
30
3. Snúðu lokinu þangað til efra handfangið (2) og
neðra handfangið (1) mynda beina línu og þau
smella á réttan stað.
4. Veldu viðeigandi stillingu á þrýstingsmælinum (8):
I; Hægeldun (1)
II; Hraðeldun (2)
Nánari leiðbeiningar í skjalinu Skrá yfir
eldunartíma.
5. Settu hraðsuðupottinn á hellu sem er af
svipaðri stærð og botn hraðsuðupottsins.
Varúð! Hellan ætti ekki að vera stærri en botn
hraðsuðupottsins. Annars getur myndast of mikill
hiti með fram hliðum pottsins sem getur skemmt
plasthandföngin.
6. Stilltu helluna á hæsta hita. Um leið og þrýstingur
myndast í pottinum færist rauði öryggisventillinn
(4) upp og læsir þannig pottinum. Athugaðu! Í
upphafi eldunar er eðlilegt að svolítið af gufu komi
út um öryggisventilinn.
7. Um leið og gufa byrjar að streyma út um
þrýstingsmælinn (8) má lækka hitann undir
pottinum um helming þannig að aðeins lítið af
gufu streymi út. Nú byrjar hraðsuðupotturinn að
elda matvælin hratt og spara orku.
Opnaðu hraðsuðupottinn
Varúð! Ef rauði öryggisventillinn (4) er enn uppi er enn
þrýstingur í pottinum og því ekki hægt að opna lokið.
Aldrei ætti að þvinga lokið opið, þar sem hætta er á
brunaslysum ef létt er snögglega á þrýstingnum. Ekki
er hægt að opna pottinn fyrr en rauði öryggisventillinn
(4) fer niður. Það getur gerst á þrjá vegu.
Settu hraðsuðupottinn aldrei á kaf í vatn. Þá fellur
þrýstingurinn skyndilega sem getur eyðilagt botninn
og matvælin í pottinum.
Þrjár leiðir til að opna hraðsuðupottinn
Það eru þrjár leiðir til að létta á þrýstingi í
hraðsuðupottinum svo hægt sé að opna hann;
Aðferð 1: Hleypa út gufunni
Þessi aðferð gengur út á að hleypa eins mikilli gufu
og mögulegt er úr pottinum þannig að þrýstingurinn
í honum lækkar nægilega mikið til að hægt sé að taka
lokið af honum.
Varúð! Gakktu úr skugga um að þrýstingsmælirinn
(8) snúi frá þér þegar þú opnar hraðsuðupottinn þar
sem þessi leið felur í sér að heit gufa streymir út um
þrýstingsmælinn. Þegar þú snýrð þrýstingsmælinum