Bosch Kiox BUI330 Originalbetriebsanleitung Seite 143

– SPORT/eMTB:
SPORT: Kraftmikill stuðningur fyrir sportlegar hjólreiðar í
hæðóttu landslagi og innanbæjar
eMTB: Sem bestur stuðningur við allar aðstæður, tekið
sportlega af stað, betri kraftur, hámarksafköst. (eMTB er
aðeins í boði með drifeiningunum BDU250P CX,
BDU365, BDU450 CX og BDU480 CX. Það getur þurft að
uppfæra hugbúnaðinn.)
– TURBO: Hámarksstuðningur upp að miklum
snúningshraða sveifar, fyrir sportlegar hjólreiðar
Til að auka stuðninginn er ýtt á hnappinn + (12) á
stjórnbúnaðinum eins oft og þarf þar til rétt stuðningsþrep er
sýnt á skjánum, en til að minnka stuðninginn er ýtt á
hnappinn – (11).
Drifkrafturinn kemur fram á skjánum h (sjá „Upphafsskjár",
Bls. Íslenska – 7). Það hversu mikill drifkrafturinn getur
verið fer eftir því hvaða stuðningsþrep er valið.
Þegar hjólatölvan er tekin úr festingunni (5) er síðasta birta
stuðningsþrep vistað í minni.
Kveikt og slökkt á teymingarhjálp
Teymingarhjálpin getur auðveldað þér að teyma rafhjólið.
Þegar þessi eiginleiki er notaður fer hraðinn eftir gírnum sem
hjólið er í og getur í mesta lagi náð 6 km/h.
Aðeins má nota teymingarhjálpina þegar rafhjólið er
u
teymt. Ef hjól rafhjólsins snerta ekki jörðu þegar
teymingarhjálpin er notuð skapast slysahætta.
Til að gera teymingarhjálpina virka skal ýta stuttlega á
hnappinn WALK á hjólatölvunni. Þegar búið er að gera
teymingarhjálpina virka skal ýta á hnappinn + innan
10 sekúndna og halda honum inni. Kveikt er á drifi
rafhjólsins.
Athugaðu: Ekki er hægt að virkja teymingarhjálpina í
stuðningsþrepinu OFF.
Slökkt er á teymingarhjálpinni um leið og eitthvað af
eftirfarandi gerist:
– hnappinum + (12) er sleppt,
– hjólin á rafhjólinu læsast (t.d. þegar hemlað er eða rekist
er á hindrun),
– hraðinn fer yfir 6 km/h.
Virkni teymingarhjálparinnar fer eftir reglum í hverju landi
fyrir sig og getur hún því ýmist verið með öðrum hætti en lýst
er hér að ofan eða óvirk.
Kveikt/slökkt á ljósunum á hjólinu
Í útfærslunni þar sem ljósin fá straum frá rafhjólinu er hægt
að kveikja og slökkva á bæði fram- og afturljósinu í einu með
ljósahnappinum (3) á hjólatölvunni.
Áður en hjólað er af stað skal ganga úr skugga um að ljósin á
hjólinu virki rétt.
Þegar kveikt er á ljósunum logar ljósatáknið c (sjá
„Upphafsskjár", Bls. Íslenska – 7) í stöðustikunni á
skjánum.
Þótt kveikt og slökkt sé á ljósunum á hjólinu hefur það engin
áhrif á baklýsinguna á skjánum.
Bosch eBike Systems
Notandaaðgangur stofnaður
Til þess að geta notað alla eiginleika hjólatölvunnar þarftu að
skrá þig á netinu.
Með notandaaðgangi getur þú meðal annars skoðað
akstursupplýsingar, skipulagt akstursleiðir án nettengingar
og sent akstursleiðbeiningar yfir í hjólatölvuna.
Hægt er að stofna notandaaðgang í farsímaforritinu Bosch
eBike Connect eða beint á vefslóðinni
www.ebike-connect.com. Færðu inn nauðsynlegar
upplýsingar fyrir skráninguna. Þú getur sótt farsímaforritið
Bosch eBike Connect þér að kostnaðarlausu í Apple
App Store (fyrir iPhone-síma frá Apple) eða í Google Play
Store (fyrir Android-tæki).
Hjólatölvan tengd við appið
Bosch eBike Connect
Tengingu við farsíma er komið á með eftirfarandi hætti:
– Opnaðu appið.
– Veldu flipann <My eBike>.
– Veldu <Add new eBike device>.
– Bættu Kiox við.
Þá birtist tilkynning í appinu um að halda skuli
ljósahnappinum (3) á hjólatölvunni inni í 5 sekúndur.
Haltu hnappinum (3) inni í 5 sekúndur. Hjólatölvan virkjar
Bluetooth® Low Energy-tenginguna sjálfkrafa og skiptir yfir í
pörunarstillingu.
Fylgdu leiðbeiningunum á skjánum. Þegar pöruninni er lokið
eru notandaupplýsingar samstilltar.
Athugaðu: Ekki þarf að virkja Bluetooth®-tenginguna
handvirkt.
Leiðsögukerfi
Leiðsögukerfið í Kiox hjálpar þér að kanna ókunnar slóðir.
Leiðsögnin er sett í gang í farsímanum. Hjólatölvan er tengd
við símann í gegnum Bluetooth® og sýnir fyrirhugaða
akstursleið á skjánum sem línu.
Activity tracking
Til þess að skrá upplýsingar um virkni þarf að nýskrá sig eða
skrá sig inn í eBike-Connect-vefgáttinni eða eBike-Connect-
appinu.
Til þess að hægt sé að skrá upplýsingar um virkni þarftu að
samþykkja að staðsetningarupplýsingar séu vistaðar í
vefgáttinni eða í appinu. Annars er virkni þín ekki sýnd í
vefgáttinni eða appinu. Staðsetning er aðeins skráð ef þú ert
skráð(ur) inn sem notandi í hjólatölvunni.
eShift (aukabúnaður)
eShift felur í sér tengingu rafrænnar gírskiptingar við
rafhjólið. Rafmagnstengingu milli eShift-búnaðarins og
drifeiningarinnar er komið á hjá framleiðanda. Fjallað er um
notkun rafrænu gírskiptingarinnar í sérstakri
notendahandbók.
Íslenska – 5
1 270 020 XBK | (29.05.2023)