Bosch Kiox BUI330 Originalbetriebsanleitung Seite 142

Íslenska – 4
Rafmagnstenging hjólatölvunnar
Ef hjólatölvan er í festingunni (5), rafhlaða með nægilegri
hleðslu er á rafhjólinu og kveikt er á rafhjólinu er rafhlöðunni í
hjólatölvunni séð fyrir rafmagni úr rafhlöðu rafhjólsins.
Þegar hjólatölvan er tekin úr festingunni (5) fær hún rafmagn
úr rafhlöðunni í hjólatölvunni. Þegar lítil hleðsla er eftir á
rafhlöðunni í hjólatölvunni birtist viðvörun á skjánum.
Til að hlaða rafhlöðuna í hjólatölvunni skal setja hjólatölvuna
aftur í festinguna (5). Athugaðu að ef rafhlaða rafhjólsins er
ekki í hleðslu slekkur rafhjólið sjálfkrafa á sér ef ekkert er
gert í 10 mínútur. Er þá einnig hætt að hlaða rafhlöðuna í
hjólatölvunni.
Einnig er hægt að hlaða hjólatölvuna í gegnum USB-
tengið (6). Þarf þá að taka hettuna (17) af. Tengdu USB-
tengi hjólatölvunnar með Micro-USB-snúru við venjulegt
USB-hleðslutæki (fylgir ekki með) eða við USB-tengi á tölvu
(hám. 5 V hleðsluspenna; hám. 1000 mA hleðslustraumur).
Þegar hjólatölvan er tekin úr festingunni (5) haldast öll gildin
fyrir valkostina í minni og eru sýnd stöðugt.
Að notkun lokinni verður að loka USB-tenginu aftur vandlega
með hettunni (17).
Ef rafhlaðan í hjólatölvunni er ekki hlaðin aftur haldast
dagsetning og tími í minni í að hámarki 6 mánuði. Þegar
kveikt er aftur, Bluetooth®-tenging við appið er virk og GPS-
staðarákvörðun á farsíma hefur tekist eru dagsetningin og
tíminn endurstillt.
Athugaðu: Kiox hleðst eingöngu þegar kveikt er á henni.
Athugaðu: Ef slökkt er á Kiox á meðan hún er hlaðin með
USB-snúru er ekki hægt að kveikja aftur á henni fyrr en búið
er að taka USB-snúruna úr sambandi.
Athugaðu: Til að tryggja að rafhlaðan í hjólatölvunni endist
sem lengst skal hlaða hana í klukkustund á þriggja mánaða
fresti.
Hleðsluvísir fyrir rafhlöðu rafhjólsins
Hleðsluvísinn fyrir rafhlöðu rafhjólsins d (sjá „Upphafsskjár",
Bls. Íslenska – 7) er að finna á stöðuskjánum og í
stöðulínunni. Einnig er hægt að sjá hleðslustöðuna á
ljósdíóðunum á rafhlöðu rafhjólsins.
Litur vísis
grænn
appelsínugulur
rauður
rauður + !
1 270 020 XBK | (29.05.2023)
Skýring
Rafhlaða rafhjólsins er með
meira en 30% hleðslu.
Rafhlaða rafhjólsins er með
15% til 30% hleðslu.
Rafhlaða rafhjólsins er með
0% til 15% hleðslu.
Ekki er lengur næg hleðsla á
rafhlöðunni til að veita
stuðning með drifinu og er
því slökkt á stuðningnum.
Hleðslan sem er eftir á
rafhlöðunni er notuð fyrir
ljósabúnaðinn og
hjólatölvuna.
Þegar rafhlaða rafhjólsins er hlaðin á rafhjólinu birtist
samsvarandi tilkynning.
Þegar hjólatölvan er tekin úr festingunni (5) er síðasta birta
hleðslustaða fyrir rafhlöðu rafhjólsins vistuð í minni.
Geymslustilling/Kiox endurstillt
Hjólatölvan er með geymslustillingu sem sparar rafmagn með
því að lágmarka afhleðslu innbyggðu rafhlöðunnar. Þegar
stillingin er notuð eyðast dagsetning og tími úr minni.
Sett er í þessa stillingu með því að halda hnappinum til að
kveikja/slökkva (4) á hjólatölvunni inni (í að minnsta kosti
8 sekúndur).
Ef hjólatölvan fer ekki í gang þegar ýtt er stuttlega á hnappinn
til að kveikja/slökkva (4) er hjólatölvan í geymslustillingu.
Hægt er taka úr geymslustillingu með því að halda
hnappinum til að kveikja/slökkva (4) inni í að minnsta kosti
2 sekúndur.
Hjólatölvan greinir hvort hún er í starfhæfu ástandi. Ef
hjólatölvan er að fullu starfhæf og hnappinum til að kveikja/
slökkva (4) er haldið inni í að minnsta kosti 8 sekúndur er
hjólatölvan sett í geymslustillingu. Ef Kiox reynist óvænt ekki
vera í starfhæfu ástandi og ekki er lengur hægt að nota hana
er hægt að halda hnappinum til að kveikja/slökkva (4) inni (í
að minnsta kosti 8 sekúndur) til að endurstilla hjólatölvuna.
Að endurstillingunni lokinni endurræsir hjólatölvan sig
sjálfkrafa eftir u.þ.b. 5 sekúndur. Ef Kiox endurræsir sig ekki
skal halda hnappinum til að kveikja/slökkva (4) inni í
2 sekúndur.
Til að endurstilla Kiox á verksmiðjustillingar skal velja
<Settings> → <Sys settings> → <Factory reset>. Við það
glatast öll gögn notanda.
Stuðningsþrep stillt
Á stjórnbúnaðinum (7) er hægt að stilla hversu mikinn
stuðning drifið á að veita. Hægt er að breyta
stuðningsþrepinu hvenær sem er, líka á ferð.
Athugaðu: Á sumum útfærslum getur verið að
stuðningsþrepið sé forstillt og ekki sé hægt að breyta því.
Einnig getur verið að færri stuðningsþrep séu í boði en hér
kemur fram.
Að hámarki geta eftirfarandi stuðningsþrep verið í boði:
– OFF: Slökkt er á stuðningi drifsins, hægt er að hjóla á
rafhjólinu eins og á venjulegu reiðhjóli með því að stíga á
fótstigin. Ekki er hægt að virkja teymingarhjálpina í þessu
stuðningsþrepi.
– ECO: Virkur stuðningur með mestri skilvirkni, fyrir
hámarksdrægi
– TOUR/TOUR+:
TOUR: Jafn stuðningur, fyrir ferðir með miklu drægi
TOUR+: Breytilegur stuðningur fyrir venjulegar og
sportlegar hjólreiðar (aðeins í tengslum við eMTB)
Bosch eBike Systems