neurosign 4203-NM Gebrauchsanweisung Seite 22

Íslensku NOTKUNARLEIÐBEININGAR
MARGNOTA LEIÐSLUR FYRIR LANTERN
LARYNGEAL-RAFSKAUT
Athugið: Forðist snertingu við sterk, arómatísk, klórblönduð, ketón-, eter- eða estraleysiefni.
Langvarandi ídýfing (meira en 1 klst.) í alkóhól eða mild leysiefni, þvottalausnir eða mjög
basískar lausnir getur skert sveigjanleika leiðslunnar og rafskautshlífarinnar.
Sótthreinsun
Að hreinsun lokinni má sótthreinsa margnota leiðslur fyrir Lantern Laryngeal-rafskaut með því
að nota 70% etanól. Strjúka skal af leiðslunni með mjúkum klút sem dýft hefur verið í 70%
etanól í a.m.k. 1 mínútu til að tryggja viðhlítandi sótthreinsun vörunnar.
Þurrkun
Þegar hreinsun og sótthreinsun er lokið skal þerra leiðsluna með hreinum, mjúkum og
kusklausum klút til að fjarlægja leifar af vatni eða sótthreinsilausn.
Dauðhreinsun
Margnota leiðslur fyrir Lantern Laryngeal-rafskaut eru ekki hannaðar til að þola neina tegund
dauðhreinsunar enda getur hún valdið skemmdum á vörunni.
Skoðun
Skoðið leiðsluna vandlega fyrir hverja notkun og athugið hvort á henni sjáist skemmdir eða
ótæpilegt slit. Ef hvers konar sprunga, skemmd víreinangrun eða óeðlilegt brot eða sveigja
sést á leiðslu eða tengjum skal farga leiðslunni í samræmi við reglur sjúkrahússins um förgun
sóttnæms úrgangs. Ganga má úr skugga um hvort leiðslan er heil með því að nota einfaldan
viðnámsmæli.
Geymsla og flutningur
Gætið þess að leiðslurnar verði ekki fyrir skaða og mengun í geymslu og flutningum. Þegar
ekki er verið að nota leiðslurnar skal vefja þær lauslega upp og geyma við stofuhita. Forðist að
vefja leiðslum utan um tækjahlífar svo að vírarnir innan í þeim skaddist ekki. Þegar vörurnar
eru fluttar út fyrir aðalnotkunarsvæði þeirra skal pakka þeim í endurlokanlega plastpoka til að
koma í veg fyrir skemmdir eða mengun.
Athugið: Öll alvarleg tilvik þar sem notkun á margnota leiðslum fyrir Lantern Laryngeal-rafskaut
kemur við sögu ber að tilkynna til Technomed Europe á quality@technomed.nl og til
viðkomandi lögbærs yfirvalds í landinu þar sem notandinn eða sjúklingurinn eru með staðfestu.