Notkunarleiðbeiningar - neurosign 4203-NM Gebrauchsanweisung

Íslensku
MARGNOTA LEIÐSLUR FYRIR LANTERN
Tilætluð notkun
Margnota leiðslur fyrir Lantern Laryngeal-rafskaut eru ætlaðar til að tengja Lantern
Laryngeal-rafskaut frá Neurosign® í taugavöktunarkerfi fyrir skurðlækningar, við vöktun á
afturhverfri barkakýlistaug (n. laryngeus recurrens) eða skreyjutaug (n. vagus) meðan á
skurðaðgerð stendur. Margnota leiðslur fyrir Lantern Laryngeal-rafskaut eru aukabúnaður með
Lantern Laryngeal-rafskautum frá Neurosign® og taugavöktunarkerfum fyrir skurðlækningar, og
eru sem slíkar ætlaðar til notkunar af hæfum, faglærðum heilbrigðisstarfsmanni. Þessa vöru má
nota hjá almenningi eftir því sem faglærður heilbrigðisstarfsmaður ákveður.
Notkun vörunnar
• Áður en leiðslurnar eru notaðar skal hreinsa og sótthreinsa þær í samræmi við
leiðbeiningarnar hér á eftir.
• 4203-Nm-leiðslan er hönnuð til notkunar með Lantern Laryngeal-rafskautum frá Neurosign®
og V4-taugavaktara fyrir skurðlækningar frá Neurosign®. Litakóðunin og hönnun tengjanna á
þessari leiðslu gera að verkum að hana má nota með öðrum taugavöktunarkerfum fyrir
skurðlækningar sem hafa sömu litakóðun.
• 4203-00-leiðslan er ætluð til notkunar með Lantern Laryngeal-rafskautum frá Neurosign® og
Neurosign® 100-taugavöktunarkerfi.
• Margnota leiðslur eru búnar 5 tengjum með 6 vírum í rauðum, bláum og grænum lit á
4203-Nm-leiðslunni og gulum, bláum og grænum á 4203-00-leiðslunni. Tengjunum skal
stinga í samband við tengi í samsvarandi lit á formagnaranum.
Hreinsun
Margnota leiðslur fyrir Lantern Laryngeal-rafskaut skal hreinsa vandlega áður en þær eru
notaðar í fyrsta sinn og síðan eftir hverja notkun. Strjúkið af leiðslunni strax eftir notkun með
mjúkum klút sem dýft hefur verið í volgt vatn (undir 43°C (110°F)) blandað mildu
þvottaefni/ensímblöndu, til að fjarlægja aðskotaefni. Ef leiðslan verður fyrir of miklum þrýstingi
og ef hún er sveigð óhóflega við notkun eða hreinsun getur teygst á hlífðarkápunni með þeim
afleiðingum að vírarnir innan í rofna og leiðslan skemmist. Þegar strokið hefur verið af leiðslunni
skal skola af henni með volgu vatni til að koma í veg fyrir efnastorknun og auðvelda þannig
burthreinsun próteinefna. Skoðið leiðsluna gaumgæfilega til að ganga úr skugga um að öll
óhreinindi eða mengandi efni hafi verið fjarlægð. Tengjunum á leiðslunni má hvorki dýfa í né
skola upp úr neinum efnalausnum því það kann að skemma vöruna.
NOTKUNARLEIÐBEININGAR
LARYNGEAL-RAFSKAUT