Makita DCJ205 Betriebsanleitung Seite 167

Lidhja e pajisjeve USB
KUJDES:
Lidhni vetëm pajisje që janë
të pajtueshme me portën USB të furnizimit
me energji. Duke mos vepruar kështu mund të
shkaktohet keqfunksionim i mbajtësit të baterisë.
VINI RE:
Përpara lidhjes së një pajisjeje USB
me mbajtësin e baterisë (me baterinë), gjithmonë
rezervojini të dhënat në pajisjen USB. Duke mos vepruar
kështu mund të shkaktohet humbje e të dhënave tuaja.
Mbajtësi i baterisë (me kutinë e baterisë) mund të veprojë
si furnizim i jashtëm me energji për pajisjet me USB.
Hapni kapakun dhe lidhni një kabllo USB (nuk
përfshihet) me portën e furnizimit me energji të
mbajtësit të baterisë. Më pas lidhni fundin tjetër të
kabllos te pajisja dhe ndizni çelësin pranë portës USB.
Mbajtësi i baterisë (me kutinë e baterisë) furnizon DC 5
V, 2,4 A (maksimumi).
► Fig.13: 1. Kapaku 2. Çelësi
Kablloja USB mund të vendoset brenda xhaketës ose
jelekut për lehtësi përdorimi duke përdorur vrimën në
xhep dhe mbajtësin e kabllos.
Për CJ105D / DCJ205 / CJ106D / DCJ206
► Fig.14: 1. Kablloja USB
Për CV102D / DCV202
► Fig.15: 1. Kablloja USB
SHËNIM: Mbajtësi i baterisë mund të furnizojë energji
në disa pajisje me USB.
SHËNIM: Kur nuk e përdorni ose pas karikimit, hiqeni
kabllon USB dhe mbyllni kapakun.
SHËNIM: Energjia e baterisë konsumohet ndërsa
çelësi është i ndezur. Gjithmonë fikeni çelësin kur nuk
është në përdorim.
SHËNIM: Kur karikoni disa pajisje USB me radhë, prisni
rreth 10 sekonda pas përfundimit të karikimit të pajisjes së
mëparshme, përpara se të filloni të karikoni pajisjen tjetër.
MIRËMBAJTJA
KUJDES:
Sigurohuni gjithmonë që xhaketa të
jetë fikur dhe të jetë hequr nga bateria përpara se
të kryeni inspektime apo mirëmbajtje.
KUJDES:
Nëse xhaketa nuk fiket ose gjendet
ndonjë defekt në një kuti baterie të karikuar
plotësisht, pastroni fundet e kontaktit të mbajtësit
të baterisë dhe kutisë së baterisë. Nëse xhaketa
vazhdon të mos punojë mirë, ndaloni përdorimin
e xhaketës dhe kontaktoni me qendrën tonë të
autorizuar të shërbimit.
VINI RE:
Mos përdorni kurrë benzinë, benzinë
pastrimi, hollues, alkool dhe të ngjashme. Mund
të shkaktoni çngjyrosje, deformime ose krisje.
Për të ruajtur SIGURINË dhe QËNDRUESHMËRINË, riparimet
dhe çdo mirëmbajtje apo rregullim tjetër duhen kryer nga
qendrat e autorizuara të shërbimit ose të shërbimit të fabrikës
të Makita-s, duke përdorur gjithnjë pjesë këmbimi të Makita-s.
Pastrimi i xhaketës ose i jelekut
Për të gjitha modelet
• Shkëputeni mbajtësen e baterisë nga xhaketa ose
jeleku përpara se ta lani.
• Ndiqni udhëzimet në etiketë.
• Mos e lani xhaketën ose jelekun me rroba të tjera.
Duke vepruar kështu mund të shkaktohet humbje
e ngjyrave ose transferim i ngjyrave.
• Përdorni rrjetën e rrobave kur përdorni lavatriçe.
• Mos përdorni zbutës.
• Përdorni vetëm detergjent neutral.
• Pas larjes, nxirreni menjëherë xhaketën ose
jelekun nga lavatriçja.
• Sigurohuni që të mbyllni zinxhirin përpara larjes.
Vetëm për CJ106D / DCJ206
• Performanca e pjesëve të reflektorit të dritës mund
të dobësohen nga larja.
• Lajeni me lavatriçe me një cikël delikat (Numri i
herëve të larjeve është deri në 25 herë.)
• Numri i herëve të larjeve nuk është faktori i vetëm
që vendos jetëgjatësinë e xhaketës.
• Jetëgjatësia e xhaketës ndryshon sipas mënyrës
së përdorimit, mënyrës së përkujdesjes dhe
gjendjes së ruajtjes.
• Nëse pjesët e reflektorit të dritës ose veshjet janë
përkeqësuar, zëvendësojeni me një xhaketë të re.
AKSESORË OPSIONALË
KUJDES:
Këta aksesorë ose shtojca
rekomandohen për përdorim me veglën Makita të
përcaktuar në këtë manual. Përdorimi i aksesorëve
apo shtojcave të tjera ndryshe nga këto mund
të përbëjë rrezik lëndimi. Aksesorët ose shtojcat
përdorini vetëm për qëllimin e tyre të përcaktuar.
Nëse keni nevojë për më shumë të dhëna në lidhje
me aksesorët, pyesni qendrën vendore të shërbimit të
Makita-s.
• Mbajtësi i baterisë
• Bateri dhe ngarkues origjinal Makita
SHËNIM: Disa artikuj të listës mund të përfshihen në
paketën e veglës si aksesorë standardë. Ato mund të
ndryshojnë nga njëri shtet në tjetrin.
167 ALBANIAN