Bosch Intuvia BUI255 Originalbetriebsanleitung Seite 103

Hleðsluvísir fyrir rafhlöðu rafhjólsins
Hleðsluvísirinn fyrir rafhlöðu rafhjólsins (i) sýnir hleðsluna á
rafhlöðu rafhjólsins, en ekki á rafhlöðunni í hjólatölvunni.
Einnig er hægt að sjá hleðslustöðuna á ljósdíóðunum á
rafhlöðu rafhjólsins.
Í vísinum (i) jafngildir hvert strik í rafhlöðutákninu u.þ.b.
20% hleðslugetu:
Rafhlaða rafhjólsins er fullhlaðin.
Hlaða þarf rafhlöðu rafhjólsins.
Það slokknar á ljósdíóðum hleðsluvísisins á
rafhlöðu rafhjólsins. Ekki er lengur næg hleðsla
á rafhlöðunni til að veita stuðning með drifinu
og er því slökkt mjúklega á stuðningnum.
Hleðslan sem er eftir á rafhlöðunni er notuð
fyrir ljósabúnaðinn og hjólatölvuna og vísirinn
blikkar. Hleðslan á rafhlöðu rafhjólsins nægir til
að sjá ljósunum fyrir rafmagni í u.þ.b.
2 klukkustundir. Er þá ekki tekið tillit til annars
rafbúnaðar (t.d. sjálfskiptingar eða hleðslu ytri
tækja í gegnum USB-tengi).
Þegar hjólatölvan er tekin úr festingunni (4) er síðasta birta
hleðslustaða fyrir rafhlöðu rafhjólsins vistuð í minni. Ef
rafhjólið er notað með tveimur rafhlöðum sýnir hleðsluvísir
rafhlöðu rafhjólsins (i) hleðsluna á báðum rafhlöðunum.
OFF
Ef tvær rafhlöður eru notaðar á rafhjólinu
og þær eru báðar hlaðnar í einu á
MPH
KM/H
rafhjólinu er framvinda hleðslunnar fyrir
báðar rafhlöðurnar sýnd á skjánum (á
myndinni er verið að hlaða vinstri
rafhlöðu rafhjólsins). Einnig má sjá hvora
rafhlöðuna á rafhjólinu er verið að hlaða
út frá blikkandi ljósinu á rafhlöðunni.
Stuðningsþrep stillt
Á stjórnbúnaðinum (9) er hægt að stilla hversu mikinn
stuðning drifið á að veita. Hægt er að breyta
stuðningsþrepinu hvenær sem er, líka á ferð.
Athugaðu: Á sumum útfærslum getur verið að
stuðningsþrepið sé forstillt og ekki sé hægt að breyta því.
Einnig getur verið að færri stuðningsþrep séu í boði en hér
kemur fram.
Að hámarki geta eftirfarandi stuðningsþrep verið í boði:
– OFF: Slökkt er á stuðningi drifsins, hægt er að hjóla á
rafhjólinu eins og á venjulegu reiðhjóli með því að stíga á
fótstigin. Ekki er hægt að virkja teymingarhjálpina í þessu
stuðningsþrepi.
– ECO: Virkur stuðningur með mestri skilvirkni, fyrir
hámarksdrægi
– TOUR/TOUR+:
TOUR: Jafn stuðningur, fyrir ferðir með miklu drægi
TOUR+: Breytilegur stuðningur fyrir venjulegar og
sportlegar hjólreiðar (aðeins í tengslum við eMTB)
Bosch eBike Systems
– SPORT/eMTB:
SPORT: Kraftmikill stuðningur fyrir sportlegar hjólreiðar í
hæðóttu landslagi og innanbæjar
eMTB: Sem bestur stuðningur við allar aðstæður, tekið
sportlega af stað, betri kraftur, hámarksafköst. (eMTB er
aðeins í boði með drifeiningunum BDU250P CX,
BDU365, BDU450 CX og BDU480 CX. Það getur þurft að
uppfæra hugbúnaðinn.)
– TURBO: Hámarksstuðningur upp að miklum
snúningshraða sveifar, fyrir sportlegar hjólreiðar
Til að auka stuðninginn er ýtt á hnappinn + (12) á
stjórnbúnaðinum eins oft og þarf þar til rétt stuðningsþrep er
sýnt á skjánum (b), en til að minnka stuðninginn er ýtt á
hnappinn – (11).
Drifkrafturinn kemur fram á skjánum (a). Það hversu mikill
drifkrafturinn getur verið fer eftir því hvaða stuðningsþrep er
valið.
Þegar hjólatölvan er tekin úr festingunni (4) er síðasta birta
stuðningsþrep vistað, en reiturinn (a) fyrir drifkraft er auður.
Samspil drifeiningar og gírskiptingar
Jafnvel þótt um rafhjól sé að ræða er gírskiptingin notuð með
sama hætti og á venjulegu reiðhjóli (sjá notendahandbók
rafhjólsins).
Óháð því um hvernig gírskiptingu er að ræða er mælt með því
að stíga léttar á fótstigin í stutta stund á meðan skipt er um
gír. Þannig verður auðveldara að skipta um gír og dregið er úr
sliti á aflrásinni.
Með því að setja í réttan gír er hægt að auka hraðann og
drægið án þess að leggja meira á sig.
Þess vegna skaltu fylgja ráðleggingunum um gírskiptingu sem
eru veittar með vísunum (g) og (h) á skjánum. Þegar vísirinn
(g) birtist skal skipta í hærri gír með minni snúningshraða
sveifar. Þegar vísirinn (h) birtist skal skipta í lægri gír með
meiri snúningshraða sveifar.
Kveikt/slökkt á ljósunum á hjólinu
Í útfærslunni þar sem ljósin fá straum frá rafhjólinu er hægt
að kveikja og slökkva á bæði fram- og afturljósinu í einu með
ljósahnappinum (2) á hjólatölvunni.
Áður en hjólað er af stað skal ganga úr skugga um að ljósin á
hjólinu virki rétt.
Þegar kveikt er á ljósunum birtist <Lights on> og þegar
slökkt er á ljósunum birtist <Lights off> í u.þ.b. 1 sekúndu í
textareitnum (d). Þegar kveikt er á ljósunum er ljósatáknið
(c) sýnt á skjánum.
Hjólatölvan geymir stöðu ljósanna í minni og kveikir á þeim í
samræmi við vistaða stöðu næst þegar kveikt er á hjólinu.
Þótt kveikt og slökkt sé á ljósunum á hjólinu hefur það engin
áhrif á baklýsinguna á skjánum.
Kveikt og slökkt á teymingarhjálp
Teymingarhjálpin getur auðveldað þér að teyma rafhjólið.
Þegar þessi eiginleiki er notaður fer hraðinn eftir gírnum sem
hjólið er í og getur í mesta lagi náð 6 km/h.
Íslenska – 3
1 270 020 XBI | (29.05.2023)