Öryggisleiðbeiningar - Bosch BDU490P Originalbetriebsanleitung

Öryggisleiðbeiningar
Lesa skal allar öryggisupplýsingar og
leiðbeiningar. Ef ekki er farið að í samræmi
við öryggisupplýsingar og leiðbeiningar
getur það haft í för með sér raflost, eldsvoða
og/eða alvarlegt líkamstjón.
Geyma skal allar öryggisupplýsingar og leiðbeiningar til
síðari nota.
Þegar talað er um rafhlöðu rafhjóls í þessari
notendahandbók er átt við allar upprunalegar Bosch-
rafhlöður fyrir rafhjól.
Lesa og fylgja skal öryggisupplýsingum og
u
leiðbeiningum í öllum notendahandbókum fyrir
rafhjólskerfið sem og í notendahandbók rafhjólsins.
Ekki má gera neinar breytingar á drifinu. Ekki má nota
u
vörur af neinu tagi til að auka afkastagetu drifsins.
Slíkt er ólöglegt á almannafæri. Með því getur þú auk þess
stefnt öryggi þínu og annarra vegfarenda í voða og ef slys
verður sem rekja má til misnotkunarinnar getur þú bakað
þér mikla skaðabótaábyrgð og átt jafnvel á hættu að verða
látinn svara til saka fyrir dómstólum. Auk þess leiðir þetta
yfirleitt til þess að íhlutir rafhjólsins endast skemur.
Drifeiningin og rafhjólið þitt geta orðið fyrir skemmdum og
ábyrgðin á rafhjólinu getur þar með fallið úr gildi.
Ekki opna drifeininguna. Við viðgerðir á drifeiningunni
u
má eingöngu nota upprunalega varahluti og þær verða
að fara fram hjá viðurkenndum söluaðilum. Þannig er
öryggi við notkun rafhjólsins tryggt. Ef drifeiningin er
opnuð í leyfisleysi fellur ábyrgðin úr gildi.
Taka skal rafhlöðuna úr rafhjólinu áður en vinna (t.d.
u
skoðun, viðgerðir, samsetning, viðhald, vinna við
keðju o.s.frv.) fer fram, rafhjólið er flutt með bíl eða
flugvél eða það sett í geymslu. Hætta er á meiðslum ef
rafhjólið er sett óvart í gang.
Aðeins má nota teymingarhjálpina þegar rafhjólið er
u
teymt. Ef hjól rafhjólsins snerta ekki jörðu þegar
teymingarhjálpin er notuð skapast slysahætta.
Þegar kveikt er á teymingarhjálpinni snúast fótstigin
u
hugsanlega líka. Þegar kveikt er á teymingarhjálpinni
þarf að gæta þess að fæturnir séu nægilega langt frá
fótstigunum sem snúast. Hætta er á meiðslum.
Þegar teymingarhjálpin er notuð skal gæta þess að
u
hafa alltaf góða stjórn á rafhjólinu og gott tak á því. Við
tiltekin skilyrði getur teymingarhjálpin hætt að virka (t.d.
vegna hindrunar á fótstiginu eða ef fingurinn fer óvart af
hnappinum á stjórntölvunni). Rafhjólið getur skyndilega
farið aftur á bak í átt að notanda eða oltið á hliðina. Af
þessu getur stafað hætta fyrir notandann, sérstaklega ef
farmur er á hjólinu. Þegar teymingarhjálpin er notuð
verður að gæta þess að lenda ekki í þannig aðstæðum
með rafhjólið að notandinn ráði ekki við það!
Við krefjandi skilyrði, t.d. við mikið
viðvarandi álag á litlum hraða þegar hjólað
er í brekku eða með farm, getur hitastigið á
hlutum drifsins farið yfir 60 °C.
Bosch eBike Systems
Gæta verður þess að snerta ekki ytra byrði
u
drifeiningarinnar með óvörðum höndum eða fótum
eftir notkun. Við erfið skilyrði, t.d. viðvarandi mikið tog á
litlum hraða eða þegar hjólað er í brekku og með farm,
getur ytra byrðið hitnað mjög mikið.
Eftirfarandi þættir hafa áhrif á hitastigið á ytra byrði
drifeiningarinnar:
– umhverfishitastig
– hvernig leiðin liggur (leið/halli)
– aksturstími
– stuðningsstillingar
– aðgerðir notanda (eigið afl)
– heildarþyngd (ökumanns, rafhjóls og farangurs)
– mótorhlíf á drifeiningu
– kælingareiginleikar stellsins á reiðhjólinu
– gerð drifeiningar og tegund skiptingar
Notaðu eingöngu upprunalegar Bosch-rafhlöður sem
u
framleiðandi leyfir til notkunar með rafhjólinu þínu.
Notkun á öðrum rafhlöðum fyrir rafhjól getur leitt til
meiðsla og eldhættu. Ef notaðar eru rafhlöður af annarri
gerð fellur ábyrgð Bosch úr gildi.
Fylgja skal gildandi reglum um skráningu og notkun
u
rafhjóla á hverjum stað.
Upplýsingar um persónuvernd
Þegar rafhjólið er tengt við Bosch DiagnosticTool eða þegar
skipt er um hluta rafhjólsins er tæknilegum upplýsingum um
rafhjólið þitt (t.d. um framleiðanda, gerð, auðkenni hjólsins,
stillingagögn) og notkun þess (t.d. um heildartíma á ferð,
orkunotkun, hitastig) miðlað til Bosch eBike Systems
(Robert Bosch GmbH) í því skyni að vinna úr fyrirspurn frá
þér, veita þjónustu eða stuðla að vöruþróun. Frekari
upplýsingar um vinnslu persónuupplýsinga er að finna á
www.bosch-ebike.com/privacy-full.
Íslenska – 1
0 275 007 XD4 | (29.05.2023)