Íslenska - IKEA LAKSEVÅG Bedienungsanleitung

ÍSLENSKA
LEIÐBEININGAR MEÐ LAKSEVÅG RÚMI
Framleiðandi: IKEA of Sweden
IP flokkun: IP 20
Ráðlagt rakastig: 30% - 75%
Ráðlagt hitastig: +10° - +40°C
Allir notendur þessarar vöru ættu að lesa
þessar leiðbeiningar vandlega.
Almennar upplýsingar
Rúmið er knúið með rafmótorum.
Rúmið er stillt með fjarstýringunni.
Hægt er að stilla höfuðlagið og fótalagið í sitt
hvoru lagi.
Mótorarnir stöðvast sjálfkrafa í efstu/neðstu
stöðu.
Öryggi verndar rúmið gegn ofhleðslu.
Uppsetningarleiðbeiningar
Tengdu straumbreytinn og fjarstýringuna við
mótorana. Til að vernda klóna þarf að festa
rafmagnssnúrurnar eins og sýnt er á mynd 3.
Stingið í samband.
Leggið snúrurnar þar sem þær verða ekki fyrir
hnjaski.
Snúrurnar þurfa að vera lausar og geta færst
til.
Notkunarleiðbeiningar
Rúmið má aðeins nota sem rúm þannig að
bæði höfuð- og fótalag komist óhindrað í
hæstu og lægstu stöðu, saman eða í sitt
hvoru lagi. Örvatakkarnir á fjarstýringunni eru
notaðir til að færa rúmið upp og niður.
Rúmið stöðvast þegar takkanum er sleppt.
Færið rúmið ekki endurtekið upp og niður.
Ef of mikil þyngd er á rúminu, stöðvast
mótorarnir. Bíðið augnablik og reynið svo
aftur.
Gætið þess að hafa laust rými í kringum
rúmið.
Ef rafmagnið fer, er hægt að lækka bæði
höfuð- og fótalag handvirkt. Leiðbeiningar
eru á mynd 4. Sjá má á mynd 5 hvernig á að
virkja drifið aftur.
Öryggisleiðbeiningar
Sitjið hvorki né standið á endum rúmsins
nema það sé í alveg láréttri stöðu, sjá mynd
6.
Viss slysahætta fylgir því að hækka og lækka
rúmið. Til að lágmarka hættuna ætti að gera
eftirfarandi:
Fjarlægðin milli rúmsins og annarra hluta í
kring (náttborða, gluggakistu o.s.frv.) ætti, til
að koma í veg fyrir að handleggur klemmist,
að vera minnst 12 cm og til að hindra að
aðrir líkamshlutar klemmist ætti hún að vera
minnst 50 cm.
Til að koma í veg fyrir að annað klemmist á
milli þarf að gæta þess að hafa nægt bil á milli
rúmsins og annarra hluta í kring.
Fylgjast þarf vel með þegar rúmið er fært upp
og niður til að koma í veg fyrir slys á fólki eða
skemmdir á nærliggjandi hlutum.
Gætið þess að innstungur séu alltaf
aðgengilegar.
Takið úr sambandi til að rjúfa straum.
Tækinu ætti ekki að vera stjórnað af börnum,
eða fólki með skerta hreyfigetu eða skynjun,
eða af þeim sem skortir reynslu eða þekkingu,
nema þeim hafi verið kennt að nota það, og
séu undir eftirliti ábyrgs aðila.
Gætið þess að börn leiki sér ekki að rafbúnaði
rúmsins, þegar það er eftirlitslaust.
Rúminu má ekki breyta og það má ekki bæta
við það eða endurbyggja það.
Það er stranglega bannað að eiga við
rafbúnaðinn.
Ef rafmagnssnúran skemmist eða ef rúmið
hættir að virka þarf að hafa samband við IKEA
verslunina.
Verja ætti rúmið gegn raka og það ætti ekki
að standa í beinu sólarljósi í langan tíma í
senn.
Meðhöndlun á fjarstýringuni
Virkni rúmsins er stjórnað með tökkunum á
fjarstýringunni. Sjá mynd 7.
Þegar rúmið er eftirlitslaust þarf að geyma
fjarstýringuna þar sem börn ná ekki til.
9