Bosch PowerPack 300 Originalbetriebsanleitung Seite 76

Íslenska – 4
Bögglabera-rafhlaðan er tekin úr (2) með því að slökkva á
henni og opna síðan lásinn með lyklinum (5). Dragðu
rafhlöðuna úr festingunni (1).
PowerTube-rafhlaða (Pivot) tekin úr (sjá mynd C)
❶ Til að taka PowerTube-rafhlöðuna (15) úr skal opna
rafhlöðulásinn (6) með lyklinum (5). Rafhlaðan er
tekin úr lás og fellur í hölduna (14).
Athugaðu: Gæta verður þess að styðja við rafhlöðuna með
hendinni þegar hún er tekin úr.
❷ Haltu rafhlöðunni fastri og ýttu á hölduna (14) ofan frá.
Rafhlaðan er þá tekin alveg úr lás og fellur niður í hönd
þína. Dragðu rafhlöðuna síðan úr stellinu.
Athugaðu: Vegna mismunandi byggingarlags og útfærslna
getur verið að fara þurfi öðruvísi að þegar rafhlaðan er sett í
og tekin úr. Sjá notendahandbók framleiðanda rafhjólsins
hvað þetta varðar.
PowerTube-rafhlaða (Pivot) sett í (sjá mynd D)
Til þess að hægt sé að setja rafhlöðuna í þarf lykillinn (5) að
vera í rafhlöðulásnum (6) og rafhlöðulásinn má ekki vera
læstur.
❶ Settu PowerTube-rafhlöðuna (15) í þannig að tengin
snúi að neðri festingunni á stellinu.
❷ Ýttu rafhlöðunni upp þar til haldan (14) styður við
hana.
❸ Haltu rafhlöðulásnum opnum með lyklinum og ýttu
rafhlöðunni upp þar til hún smellur í lás.
❹ Læstu rafhlöðunni alltaf með rafhlöðulásnum (6) því
annars getur rafhlöðulásinn opnast og rafhlaðan fallið
úr festingunni.
Þegar búið er að læsa skal alltaf taka lykilinn (5) úr
rafhlöðulásnum (6). Þannig er komið í veg fyrir að lykillinn
geti fallið úr eða að óviðkomandi aðilar geti tekið rafhlöðuna
úr rafhjólinu þegar því er lagt.
Notkun
Búnaðurinn tekinn í notkun
Notaðu eingöngu upprunalegar Bosch-rafhlöður sem
u
framleiðandi leyfir til notkunar með rafhjólinu þínu.
Notkun á öðrum rafhlöðum fyrir rafhjól getur leitt til
meiðsla og eldhættu. Ef notaðar eru rafhlöður af annarri
gerð fellur ábyrgð Bosch úr gildi.
Kveikt/slökkt
Hægt er að kveikja á rafhjólinu með því að kveikja á rafhlöðu
rafhjólsins. Hvað þetta varðar skal lesa notendahandbók
drifeiningarinnar og hjólatölvunnar og fara eftir því sem þar
kemur fram.
Áður en kveikt er á rafhlöðu rafhjólsins skal athuga hvort
lásinn (6) er læstur.
Kveikt er á rafhlöðu rafhjólsins með því að ýta á hnappinn til
að kveikja/slökkva (4). Ekki má nota beitta eða oddhvassa
hluti til að ýta á hnappinn. Ljósdíóðurnar í vísinum (3) loga
og gefa hleðslustöðuna til kynna.
0 275 007 XPX | (29.05.2023)
Athugaðu: Ef hleðslan á rafhlöðu rafhjólsins er undir 5%
logar engin ljósdíóða í hleðsluvísinum á rafhlöðu rafhjólsins
(3). Aðeins á hjólatölvunni/stjórnbúnaðinum er hægt að sjá
hvort kveikt er á rafhjólinu.
Slökkt er á rafhlöðu rafhjólsins með því að ýta aftur á
hnappinn til að kveikja/slökkva (4). Ljósdíóðurnar í vísinum
(3) slokkna. Er þá slökkt á rafhjólinu í leiðinni.
Ef ekki er óskað eftir afli frá drifinu í 10 mínútur (t.d. vegna
þess að rafhjólið er kyrrstætt) og ekki er ýtt á hnapp á
hjólatölvunni eða stjórnbúnaðinum á rafhjólinu slekkur
rafhjólið sjálfkrafa á sér.
Kerfið „Electronic Cell Protection (ECP)" ver rafhlöðu
rafhjólsins gegn djúpafhleðslu, ofhleðslu, ofhitnun og
skammhlaupi. Þegar hætta er á ferðum slekkur rafhlaðan
sjálfkrafa á sér.
Upplýsingar um rétta meðferð rafhlöðunnar
Hægt er að láta rafhlöðu rafhjólsins endast lengur með því að
sinna umhirðu hennar vel og þá sérstaklega með því að
geyma hana við rétt hitastig.
Jafnvel þótt farið sé vel með rafhlöðuna munu afköst hennar
óhjákvæmilega minnka með tímanum.
Þegar umtalsvert skemmri tími líður á milli þess að rafhlaðan
tæmist er það merki um að hún sé úr sér gengin. Skal þá
skipta um rafhlöðu rafhjólsins.
Rafhlaðan hlaðin áður en hún er sett í geymslu og meðan
á geymslutíma stendur
Ef ekki á að nota rafhlöðuna í lengri tíma (> 3 mánuði) skal
sjá til þess að hleðslan á henni sé á bilinu 30% til 60% (tvær
til þrjár ljósdíóður á hleðsluvísinum (3) loga) á meðan hún er
í geymslu.
Athuga skal hleðsluna að sex mánuðum liðnum. Ef aðeins
logar ein ljósdíóða á hleðsluvísinum (3) skal hlaða
rafhlöðuna aftur þannig að hleðslan sé á bilinu 30% til 60%.
Athugaðu: Ef rafhlaðan tæmist og er geymd þannig í lengri
tíma getur hún orðið fyrir skemmdum þrátt fyrir litla
sjálfsafhleðslu og hleðslugetan getur minnkað til muna.
Ekki er mælt með því að hafa rafhlöðuna stöðugt í
hleðslutækinu.
Geymsluskilyrði
Helst skal geyma rafhlöðu rafhjólsins á þurrum og vel
loftræstum stað. Verja skal hana fyrir raka og vatni. Við
óhagstæð veðurskilyrði er t.d. mælt með því að taka
rafhlöðuna af rafhjólinu og geyma hana í lokuðu rými þar til
hún er notuð næst.
Ekki skal geyma rafhlöðu rafhjólsins á eftirfarandi stöðum:
– í herbergjum þar sem ekki er reykskynjari
– nálægt brennanlegum eða eldfimum hlutum
– nálægt hitagjöfum
– í lokuðum bíl (sérstaklega að sumarlagi)
Ef bilun greinist í rafhlöðu
rafhjólsins blikka tvær
ljósdíóður í hleðsluvísinum
(3). Snúa skal sér til
viðurkennds söluaðila
reiðhjóla vegna þessa.
Bosch eBike Systems