Bosch PowerMore 250 Originalbetriebsanleitung Seite 74

Íslenska – 4
Þegar umtalsvert skemmri tími líður á milli þess að rafhlaðan
tæmist er það merki um að hún sé úr sér gengin. Skal þá
skipta um rafhlöðu rafhjólsins.
Rafhlaðan hlaðin áður en hún er sett í geymslu og meðan
á geymslutíma stendur
Ef ekki á að nota rafhlöðuna í lengri tíma (> 3 mánuði) skal
sjá til þess að hleðslan á henni sé á bilinu 30% til 60% (tvær
til þrjár ljósdíóður á hleðsluvísinum (2) loga) á meðan hún er
í geymslu.
Athuga skal hleðsluna að sex mánuðum liðnum. Ef aðeins
logar ein ljósdíóða á hleðsluvísinum (2) skal hlaða
rafhlöðuna aftur þannig að hleðslan sé á bilinu 30% til 60%.
Athugaðu: Ef rafhlaðan tæmist og er geymd þannig í lengri
tíma getur hún orðið fyrir skemmdum þrátt fyrir litla
sjálfsafhleðslu og hleðslugetan getur minnkað til muna.
Ekki er mælt með því að hafa rafhlöðuna stöðugt í
hleðslutækinu.
Geymsluskilyrði
Helst skal geyma rafhlöðu rafhjólsins á þurrum og vel
loftræstum stað. Verja skal hana fyrir raka og vatni. Við
óhagstæð veðurskilyrði er t.d. mælt með því að taka
rafhlöðuna af rafhjólinu og geyma hana í lokuðu rými þar til
hún er notuð næst.
Ekki skal geyma rafhlöðu rafhjólsins á eftirfarandi stöðum:
– í herbergjum þar sem ekki er reykskynjari
– nálægt brennanlegum eða eldfimum hlutum
– nálægt hitagjöfum
– í lokuðum bíl (sérstaklega að sumarlagi)
– þar sem sól skín beint á hana
Til þess að tryggja sem bestan endingartíma rafhlöðunnar
skal geyma hana við herbergishita.
Forðast skal hitastig undir −10 °C eða yfir 60 °C.
Gætið þess að geymsluhitastig fari ekki yfir leyfileg mörk.
Mælt er með því að geyma rafhlöðuna ekki á rafhjólinu.
Viðbrögð við bilunum
Ekki má opna rafhlöðuna, ekki heldur til að gera við hana.
Hætta er á því að eldur komi upp í rafhlöðunni, t.d. vegna
skammhlaups. Þessi hætta er áfram fyrir hendi ef haldið er
áfram að nota rafhlöðu sem búið er að opna.
Ef rafhlaða rafhjólsins bilar skal því ekki láta gera við hana,
heldur skal láta söluaðila skipta henni út fyrir upprunalega
Bosch-rafhlöðu fyrir rafhjól sem tilheyrir kynslóðinni the
smart system.
Viðhald og þjónusta
Viðhald og þrif
Ekki má þrífa rafhlöðu rafhjólsins með því að dýfa
u
henni í vatn eða sprauta á hana vatni.
Halda skal rafhlöðu rafhjólsins hreinni og gæta þess að hún
komist ekki í snertingu við húðkrem, sólaráburð eða
skordýrafælur. Hreinsa skal hana varlega með rökum,
mjúkum klút.
0 275 007 3RE | (16.02.2023)
Hreinsa skal tengin öðru hvoru og bera á þau dálítið af feiti.
Til þess skal nota vaselín sem ætlað er til notkunar í
lækningaskyni eða á vélar.
Ef rafhlaða rafhjólsins virkar ekki lengur skal snúa sér til
viðurkennds söluaðila reiðhjóla.
Notendaþjónusta og ráðleggingar um notkun
Ef spurningar koma upp varðandi rafhlöður rafhjóla skal snúa
sér til viðurkennds söluaðila reiðhjóla.
Finna má samskiptaupplýsingar fyrir viðurkennda söluaðila
reiðhjóla á vefsíðunni www.bosch-ebike.com.
Flutningur
Ef aka á með rafhjólið utan á bílnum, t.d. á
u
farangursgrind, skal fjarlægja hjólatölvuna og
rafhlöðu reiðhjólsins (nema um sé að ræða fasta
innbyggða rafhlöðu) til að forðast skemmdir.
Rafhlöður fyrir rafhjól falla undir lagakröfur um hættulegan
farm. Einstaklingar mega flytja óskemmdar rafhlöður rafhjóla
á vegum án þess að gerðar séu sérstakar kröfur.
Þegar um er að ræða flutning af hálfu rekstraraðila eða þriðju
aðila (t.d. flugfraktar eða hraðflutningaþjónustu) þarf að
uppfylla sérstakar kröfur varðandi umbúðir og merkingar
(t.d. samkvæmt reglum ADR-samingsins um
millilandaflutninga á hættulegum farmi á vegum). Ef þörf
krefur er hægt að leita til sérfræðings á sviði hættulegs farms
við frágang pakkans.
Ekki skal senda rafhlöður rafhjóla nema að ytra byrði þeirra
sé óskemmt og að þær séu nothæfar. Við flutninginn skal
nota upprunalegu Bosch-umbúðirnar fyrir viðkomandi
rafhlöðu. Setja skal límband yfir óvarin tengi og pakka
rafhlöðunni þannig inn að hún geti ekki hreyfst til í
umbúðunum. Láta skal flutningafyrirtækið vita af því að um
hættulegan farm sé að ræða. Athugaðu einnig að frekari
reglur kunna að eiga við í hverju landi fyrir sig.
Ef spurningar koma upp varðandi flutning á rafhlöðunni skal
snúa sér til viðurkennds söluaðila reiðhjóla. Hjá söluaðilanum
er einnig hægt að panta viðeigandi umbúðir fyrir flutning.
Förgun og framleiðsluefni
Nálgast má upplýsingar um framleiðsluefni á eftirfarandi
vefslóð: www.bosch-ebike.com/en/material-compliance.
Skila skal rafhlöðu rafhjólsins, aukabúnaði og
umbúðum til endurvinnslu með
umhverfisvænum hætti.
Ekki má fleygja rafhlöðum rafhjóla með venjulegu
heimilissorpi!
Áður en rafhlöðum rafhjóla er fleygt skal setja límband yfir
tengi þeirra.
Skila má gömlum eða biluðum rafhlöðum rafhjóla til
viðkomandi söluaðila án endurgjalds og mun söluaðilinn þá
sjá um að skila þeim til endurvinnslu. Geyma skal bilaðar
rafhlöður rafhjóla á öruggum stað utandyra og gera söluaðila
viðvart. Ef rafhlöður rafhjóla eru mikið skemmdar má ekki
taka um þær með berum höndum, þar sem rafvökvi getur
lekið úr þeim og valdið ertingu í húð.
Bosch eBike Systems