Skil 0755 Betriebsanleitung Seite 132

dëmtohet, riparojeni veglën e punës para
përdorimit. Shumë aksidente shkaktohen nga veglat e
punës jo të mirëmbajtura si duhet.
f) Mbajini pajisjet prerëse të pastra dhe të mprehta.
Pajisjet e prerjes të mirëmbajtura dhe me anë të mprehta
kanë më pak mundësi për t'u bllokuar dhe janë më të
lehta për t'u kontrolluar.
g) Përdorni veglat e punës, aksesorët dhe puntot, etj.
në përputhje me këto udhëzime, duke marrë
parasysh kushtet e punës dhe punën që do të
kryhet. Përdorimi i veglave për përdorime të ndryshme
nga ato të përcaktuara mund të shkaktojë rreziqe.
5) PËRDORIMI DHE KUJDESI PËR VEGLËN ME BATERI
a) Karikojeni vetëm me karikuesin e përcaktuar nga
prodhuesi. Një karikues që është i përshtatshëm për një
lloj baterie mund të krijojë rrezik për zjarr kur përdoret me
një bateri tjetër.
b) Përdorni veglat e punës vetëm me bateritë e
përcaktuara respektivisht. Përdorimi i çdo baterie tjetër
mund të krijojë rrezik për dëmtime dhe zjarr.
c) Kur bateria nuk është në përdorim, mbajeni larg nga
objektet e tjera metalike si kapëset e letrës,
monedhat, çelësat, gozhdët, vidat ose objektet e
tjera të vogla metalike që mund të bëjnë lidhjen e
një terminali me terminalin tjetër. Lidhja e shkurtër e
terminaleve të baterisë mund të shkaktojë djegie ose
zjarr.
d) Në kushte abuzimi, nga bateria mund të rrjedhin
lëngje; shmangni kontaktin me to. Në rast se ndodh
aksidentalisht kontakti, shpëlajeni me ujë. Në rast
se lëngu bie në kontakt me sytë, kërkoni edhe
ndihmë mjekësore. Lëngu i rrjedhur nga bateria mund
të shkaktojë acarime ose djegie.
6) sHËrBIMI
a) Shërbimi i veglës së punës duhet të kryhet nga një
person i kualifikuar për riparimet duke përdorur
vetëm pjesë ndërrimi identike. Kjo gjë do të sigurojë
ruajtjen e sigurisë së veglave të punës.
UDHËZIMET SPECIFIKE TË SIGURISË PËR
KRASITËSET ME BATERI PËR SHKURRET/BARIN
TË PËRGJITHSHME
• Kjo pajisje nuk është projektuar për t'u përdorur nga
persona (përfshirë fëmijët) me kapacitete të zvogëluara
fizike, ndijore ose mendore, ose me mungesë të përvojës
dhe njohurive, nëse nuk janë udhëzuar ose mbikëqyrur
në lidhje me përdorimin e pajisjes nga një person
përgjegjës për sigurinë e tyre.
• Sigurohuni që fëmijët të mos luajnë me pajisjen
• Përdoreni veglën vetëm në dritë gjatë ditës ose me dritë
të përshtatshme artificiale
• Mos i prisni shkurret kur janë të lagura
• Mbajini duart dhe këmbët larg nga thika prerëse,
veçanërisht gjatë ndezjes së veglës
• Mos e përdorni kurrë veglën në afërsi të personave të
tjerë (veçanërisht fëmijëve) dhe kafshëve
• Përdoruesi është përgjegjës për aksidentet ose rreziqet
ndaj personave të tjera ose pronës së tyre
PARA PËRDORIMIT
• Para se ta përdorni veglën për herë të parë,
rekomandohet që të merrni informacione praktike
• Kontrolloni gjithmonë që voltazhi i energjisë të jetë i njëjtë
me voltazhin e treguar në etiketën e karikuesit
• Kontrolloni funksionimin e pajisjes para çdo përdorimi
dhe, në rast defekti, riparojeni nga një person i
kualifikuar; mos e hapni kurrë vetë pajisjen
• Para përdorimit, kontrollojeni plotësisht zonën e prerjes
dhe hiqni të gjitha objektet e huaja që mund të
ngatërrohen në thikat prerëse (si gurë, gozhdë, gardhe
me tela, shtylla metalike për bimët)
GJATË PËRDORIMIT
• Mbani doreza mbrojtëse, syze mbrojtëse, rroba të
ngushta dhe mbrojtëse për flokët (për flokët e gjatë)
• Mbani gjithmonë pantallona të gjata, mëngë të gjata dhe
këpucë të forta kur përdorni pajisjen
• Mbani një qëndrim të sigurt gjatë punës (mos u zgjasni
shumë, veçanërisht kur përdorni ose jeni mbi shkallë)
• Mbajeni veglën e punës vetëm nga pjesët e izoluara
të kapjes pasi thikat prerëse prerëse mund të bien
në kontakt me tela të fshehur ose kordonin (thikat e
prerjes që bien në kontakt me një tel elektrik mund të
bëjnë që pjesët metalike të ekspozuara të pajisjes të
transmetojnë elektricitetin dhe të shkaktojnë goditjen
elektrike të përdoruesit)
• Mbajeni kordonin (zgjatues) larg nga zona e prerjes
(gjatë përdorimit kordoni mund të fshihet në shkurre dhe
mund të pritet aksidentalisht nga thikat)
• Mbani të gjitha pjesët e trupit larg nga thikat
prerëse, mos hiqni materialin e prerë ose materialin
e mbajtur për prerje kur thikat janë në lëvizje, dhe
sigurohuni që çelësi të jetë i fikur kur pastroni
materialet e bllokuara (një moment mungese vëmendje
gjatë përdorimit të pajisjes mund të shkaktojë dëmtime të
rënda personale)
• Në rast defekti elektrik ose mekanik, fikni menjëherë
pajisjen ose hiqeni karikuesin nga burimi i energjisë
PAS PËRDORIMIT
• Mbajeni veglën nga doreza me thikat prerëse të
ndaluara dhe, kur e transportoni ose e magazinoni
veglën, montoni gjithmonë kapakun e thikës
(manovrimi i duhur i veglës do të zvogëlojë mundësinë e
dëmtimeve personale nga thikat prerëse)
NdËrrIMI I BATerIVe
• Ndërroni baterinë vetëm me karikuesin që është siguruar
me veglën
• Mos e karikoni baterinë në mjedise me lagështi ose të
njoma
• Mos e ekspozoni pajisjen/ngarkuesin në shi
• Ruajeni veglën/karikuesin në vende ku temperatura nuk
do të kalojë 40°C apo të bjerë nën 0°C
• Mos e përdorni karikuesin nëse është i dëmtuar; çojeni te
një nga Qendrat zyrtarisht të regjistruara të shërbimit të
SKIL për një kontroll të sigurisë
• Mos e përdorni karikuesin kur kordoni ose spina janë të
dëmtuara; kordoni ose spina duhet të zëvendësohen
menjëherë në një nga Qendrat zyrtarisht të regjistruara të
shërbimit të SKIL
• Mos e çmontoni ngarkuesin ose pajisjen
SHPJEGIMI I SIMBOLEVE NË PAJISJE/NGARKUES
3 Lexoni manualin e udhëzimeve para përdorimit
4 Mos e ekspozoni pajisjen/ngarkuesin në shi
5 Paralajmërim! Pas fikjes së pajisjes, thika vazhdon të
lëvizë për disa sekonda
132